Skip to content
خواتین کے جنسی استحصال کے خلاف چلائے جارہے (#می ٹو مہم) نے ملک میں کافی ہنگامہ مچا دیا ہے۔ اداکارہ تنوشری دتہ کے اداکار نانا پاٹیکرپرجنسی استحصال کے الزام لگانے کے بعد کئی دوسری خواتین بھی اپنے ساتھ ہوئے جنسی استحصال کا انکشاف کررہی ہیں۔ اسی فہرست میں اب بیڈمنٹن اسٹارجوالا گٹا کا نام بھی جڑگیا ہے۔حالانکہ جوالا گٹا نے اپنے ٹوئٹراکاونٹ پرخود اس کا انکشاف کیا ہے۔ حالانکہ جوالا گٹا کا کہنا ہے کہ یہ استحصال جسمانی نہ ہوکرذہنی تھا۔ جوالا گٹا نے ٹوئٹرپر لکھا "مجھے لگتا ہے مجھے بھی خود کے ساتھ ہوئے ذہنی استحصال کو سامنے لانا چاہئے”
جوالا گٹا نے لکھا ہے کہ "سال 2006 میں جب سے یہ شخص چیف بنا ہے، اس نے مجھے نیشنل چمپئن ہونے کے باوجود ٹیم سے باہر کردیا۔ جب میں ریو سے واپس لوٹی تو مجھے نیشنل ٹیم سے باہر کردیا گیا۔ جب وہ شخص کامیاب نہ ہوسکا تو اس نے میرے ساتھیوں کو دھمکیاں دیں اورانہیں پریشان کیا”