نائیگاوں: 25اگست:(ورقِ تازہ نیوز)ناندیڑ ضلع کے نائگاوں دیہات میں ایس بی آئی بینک کی اے ٹی ایم مشین توڑتے ہوئے ایک چور کو پولیس نے رنگے ہاتھوں پکڑ لیا۔ پولیس نے اس معاملے میں اسے گرفتار کر لیا ہے۔ تفتیشی افسر اومکانت چنچولکر نے بتایا کہ اس معاملے کی مکمل جانچ جاری ہے۔
انہوں نے فوری طور پر ملزم کو حراست میں لے لیا۔ جس کی وجہ سے پولیس لاکھوں روپے کی چوری روکنے میں کامیاب ہو گئی۔پولیس کی طرف سے دی گئی معلومات کے مطابق ملزم کا نام انیل سری منگلے ہے۔ اسے گرفتار کر لیا گیا ہے۔
اس کے پاس سے اے ٹی ایم کو توڑنے کے لیے درکار سامان اور ایک جدید مشین ضبط کی گئی ہے۔