مونسون اجلاس سے قبل روایت کے مطابق چائے پارٹی، وزراء اور اراکین اسمبلی کی غیر رسمی ملاقات
مونسون اجلاس 2025 سے قبل روایت کے مطابق چائے پارٹی کا انعقاد
وزیر اعلیٰ، نائب وزرائے اعلیٰ اور کابینی اراکین کی شرک
ت
ممبئی، 29 جون: (آفتاب شیخ)
مہاراشٹر ودھان سبھا کے "مونسون اجلاس 2025" کی پیشگی شام کو روایتی طور پر چائے پارٹی کا سہیادری گیسٹ ہاؤس میں اہتمام کیا گیا، جس میں ریاست کے اعلیٰ قیادت نے شرکت کی۔ وزیر اعلیٰ دیویندر فڑنویس، نائب وزرائے اعلیٰ ایکناتھ شندے اور اجیت پوار نے اپنے تمام کابینی ساتھیوں کے ساتھ چائے نوشی کی اور خوشگوار ماحول میں گفتگو کی۔
اس موقع پر وزیر اعلیٰ دیویندر فڈنویس، نائب وزرائے اعلیٰ اجیت پوار، ایکناتھ شندے، وزیر چندرشیکھر باونکولے، وزیر پنکجا منڈے، وزیر اتول ساوے، وزیر آشیش شیلار اور دیگر کئی اراکین اسمبلی اور معزز مہمان موجود تھے۔
یہ چائے پارٹی ہر اجلاس سے قبل ایک روایت کے طور پر منعقد کی جاتی ہے، جس کا مقصد ایوان کے اندر شائستہ اور ہم آہنگ ماحول کی بنیاد رکھنا ہوتا ہے۔ اس طرح کی غیر رسمی ملاقاتوں میں سیاسی وابستگیوں سے بالاتر ہو کر تبادلہ خیال کیا جاتا ہے۔
قابل ذکر ہے کہ مونسون اجلاس اگلے ہفتے سے شروع ہو رہا ہے، جس میں ریاستی سطح کے اہم مسائل، قانون سازی اور بجٹ تجاویز پر تفصیلی بحث متوقع ہے۔ ایسے میں چائے پارٹی جیسے پروگرام اراکین اسمبلی اور وزراء کے درمیان بہتر رابطے اور مفاہمت کی فضا قائم کرنے میں اہم کردار ادا کرتے ہیں۔