لاتور(محمدمسلم کبیر)کورونا وائرس کے پھیلاؤ کو روکنے کے لئے ہر زرعی پیداوار مارکیٹ کمیٹی کو اپنا معیاری آپریٹنگ سسٹم (ایس او پی) تشکیل دینا چاہئے۔ڈسٹرکٹ ڈپٹی رجسٹرار اس نظام کا معائنہ کریں اور مناسب معیاری آپریٹنگ سسٹم کے ساتھ زرعی پیداوار مارکیٹ کمیٹی کے کھلے رکھنےکے بارے میں ڈسٹرکٹ کلکٹر کو رپورٹ پیش کریں اور اس کے بعد کلکٹر کو 21 اپریل 2020 سے زرعی پیداوار مارکیٹ کمیٹی کا لین دین شروع کرنے کی اجازت دینے کے کی اجازت مہاراشٹر کے وزیر طبی تعلیم و ثقافتی امور اور سرپرست وزیر امیت ولاس راؤ دیشمکھ نے دی ہے.
لاتور کے وزیر رابطہ امیت دیشمکھ ضلعی کلکٹر کے نئے دفتر میں منعقدہ کسانوں کی پیداواری اشیاء کے خرید وفروخت کے مسئلے کو حل کرنے کے طریقہ سے متعلق جائزہ اجلاس میں خطاب کر رہے تھے۔اس وقت کلکٹر جی۔ شری کانت ، پولیس سپرنٹنڈنٹ ڈاکٹر راجیندر مانے،رہائشی کلکٹر ڈاکٹر اننت گوھانے،ضلعی ڈپٹی رجسٹرار سمرٹ جادھو ، لاتور زرعی پیداوار مارکیٹ کمیٹی کے چیئرمین للت بھائی شاہ،نلنگہ زرعی پیداوار مارکیٹ کمیٹی کے چیئرمین اشوک پاٹل نلنگیکر،جلکوٹ زرعی پیداوار کمیٹی اور دیگر تعلقوں کے مارکیٹ کمیٹی کے چیئرپرسنس اور سکریٹریز موجود تھے۔
وزیر امیت رابطہ امیت دیشمکھ نے مزید کہا کہ ضلع میں کوئی مقامی کورونا مثبت مریض نہیں ہے۔جومثبت مریض ہیں وہ باہر کے مسافر ہیں. لہذا، ہر زرعی پیداوار مارکیٹ کمیٹی کے لئے یہ بہت ضروری ہے کہ وہ لاتور ضلع میں کورونا وائرس کے انفیکشن کو روکنے کے لئے حفاظتی اقدامات کرے۔لاتور ضلع کورونا وائرس معاملے میں صفر ہے اور اس کے لئے ہم سب کو چوکس رہنا چاہئے.ہر زرعی پیداوار مارکیٹ کمیٹی کو کورونا کے تدارک کے لئے کی جانے والی تدابیر کے مطابق اپنا معیاری آپریٹنگ طریقہ کار وضع کرنا چاہئے۔انہوں نے ہدایت کی کہ تمام متعلقہ افراد کو مطلع کیا جائے کہ زرعی پیداوار مارکیٹ کمیٹی کو اس لین دین کو اس وقت تک شروع کرنے کی اجازت نہیں دی جاسکتی ہے جب تک کہ یہ طریقہ کار تشکیل نہیں دیا جاتا اور اس نظام کی جانچ نہیں کی جاتی.
تمام متعلقہ مارکیٹ کمیٹیوں اور متعلقہ حکام کو مارکیٹنگ کارپوریشن کی جانب سے کرونا کے پھیلاؤ کو روکنے کے لئے زرعی پیداوار مارکیٹ کمیٹیاں تشکیل دینے کے لئے دی گائیڈ لائن پر عمل کرنا چاہئے۔ضلع کی ریاستی اور ضلعی حدود کو سختی سے بند کیا جائے۔زرعی پیداوار مارکیٹ کمیٹی میں ، گاڑیوں کو ڈیجیٹل پاس دینے کے انتظامات کیے جائیں۔نیز وزیر رابطہ امیت دیشمکھ نے کہا کہ مارکیٹ کمیٹیوں کو چاہئے کہ باقاعدہ منصوبہ بندی کے ذریعہ کسانوں کو آن لائن اندراج کرکے اس کی اطلاع دیں کہ اس دن کتنی گاڑیاں لائی جاسکتی ہیں اور زرعی اشیاء کو ان کی فہرست کے مطابق لانے کے لئے آگاہ کریں اور اشیاء کی وصولی کے بعد رقومات کی بروقت ادائیگی کے بارے میں انہیں آگاہ کریں۔
اگر زرعی مارکیٹ کمیٹی شروع کی گئی اور اگر دیگر اضلاع اور ریاستوں سے زرعی اجناس کی گاڑی آتی ہے تو اس گاڑی کو اس زرعی مارکیٹ کمیٹی میں آنے کی اجازت ہوگی۔لیکن کورونا وائرس کے تدارک کے لئے تجویز پیش کی کہ گاڑی کو صاف اور جراثیم کش کرنے کی ذمہ داری اور گاڑی میں موجود افراد کی مکمل اطلاع ان مارکیٹ کمیٹیوں کی ہونی چاہئے۔
مارکیٹ کمیٹی میں باہمی فاصلہ برقرار رکھنا لازمی ہے،جو کورونا وائرس سے بچنے کے لئے یہ ایک حکمت ہے۔ امیت دیشمکھ نے کہا کہ سماجی فاصلوں کو، لاک ڈاؤن کی مدت تک برقراری کو اپنی طرز زندگی کے ایک حصے کے طور پر قبول کرنا چاہئے۔
ایک بار مارکیٹ کمیٹی شروع ہونے کے بعد ، انہیں اس جگہ کے لئے حفاظتی انتظامات زیادہ موثر انداز میں انجام دینے چاہئیں۔ مارکیٹ کمیٹی کو بھی پولس سسٹم پر اضافی دباؤ کا مناسب خیال رکھنا چاہئے۔ امیت دیشمکھ نے کہا کہ سبزی منڈی میں بھی سماجی فاصلے کو مدنظر رکھنا چاہئے اور انہوں نے ہدایت دی کہ پھلوں اور سبزیوں کو مارکیٹ میں دھویا جائے۔
مارکیٹ کمیٹیوں کو چاہئے کہ، پہلے اپنےضلع کے کسانوں کی زرعی پیداوار کی خریداری کو ترجیح دیں۔اور تمام سہولیات کورونا کے تدارک کے تدبیری اور احتیاطی انداز کے مطابق تعمیر ہونی چاہئے.ضلع کلکٹر جی.شریکانت نے تجویز پیش کی کہ مارکیٹ کمیٹیوں میں سماجی فاصلوں کو دیکھنے کو کے لئے ڈرون کیمرے استعمال کیے جائیں۔ سیکیورٹی کے معاملے میں سپرنٹنڈنٹ پولس ڈاکٹر راجندر مانے نے متعلقہ مارکیٹ کمیٹیوں پر زور دیا کہ وہ ایک شخص کو مقرر کریں اور انہیں ایک ہی سائز کا شناختی کارڈ دیں اور گاڑیوں کی تعداد کو محدود کرنے کے لئے مناسب منصوبہ بندی کریں۔اس موقع پر خطاب کرتے ہوئے للت بھائی شاہ، اشوک پاٹل نیلنگکر اور منمتھ کیڑے ان چیئر پرسنوں نے مارکیٹ کمیٹیاں شروع کرنے کے بارے میں اپنی مثبت رضامندی کا اظہار کیا۔
ابتدا میں ضلع ڈپٹی رجسٹرار،سمرتھ جادھو نے بتایاکہ ضلع کے دس تعلقوں میں 11 زرعی مارکیٹ کمیٹیاں چل رہی ہیں جن کے تحت 3504 رجسٹرڈ تجارتی ادارے، 2395 تاجر اور 2826 دلال ہیں۔انہوں نے یہ بھی زور دیا کہ زرعی انکم مارکیٹ کمیٹیاں کورونا کی روک تھام کے لئے سہولیات فراہم کریں اور مارکیٹنگ کے محکمے کی ہدایات کے مطابق ڈائریکٹوریٹ آف مارکیٹنگ کے طے شدہ رہنما اصولوں پر عمل کریں۔کلکٹر جی.شریکانت نے کہاکہ اجناس عموما سویابین،مونگ،ارہر، چنا، ماش اور گڑ میں ہیں۔
اہم نکات…
شہریوں کو طرز زندگی کے ایک حصے کے طور پر سماجی فاصلے کو قبول کرنا چاہئے
* مارکیٹ کمیٹی سیکیورٹی انتظامات کو زیادہ موثر بنائے
* تمام مارکیٹ کمیٹیوں کو معیاری آپریٹنگ سسٹم (ایس او پی) اپنانا چاہئے۔
*ضلع کے 10 تعلقوں میں 11 زرعی پیداوار مارکیٹ کمیٹیاں سرگرم
Md.Muslim Kabir,
Latur Distt. Reporter
09175978903/8208435414
