ممبئی: 30 نومبر
مہاراشٹر کے گورنر سی. ودیا ساگر راؤ نے ریاستی قانون ساز اسمبلی میں منظور کردہ مراٹھا ریزرویشن بل پر آج دستخط کردیئے. مہاراشٹر حکومت نے اسمبلی میں مراٹھاؤں کو ملازمت اور تعلیم کے لئے 16 فیصد تحفظات دینے کی تجویز دونوں ایوانوں میں اتفاق رائے سے منظور کیا تھا.
مراٹھا ریزرویشن بل کو پاس کرنے کے بعد، گورنر سی ودیاساگر نے جمعہ کو بل پر دستخط کردئے. یہ بل اب قانون بن گیا ہے. مہاراشٹر اسمبلی میں جمعرات کو بل پیش کرتے ہوئے، وزیراعلی دیویندر فڑنویس نے کہا، "ہم نے مراٹھا ریزرویشن بل کے لئے عمل مکمل کرلیا ہے اور ہم نے یہ بل لایا ہے.” اگرچہ فڑنویس نے دھنگر ریزریشن پر رپورٹ کو مکمل نہیں کرنے کے بارے میں بتاتے ہوئے کہا کہ، "دھنگر ریزرویشن پر رپورٹ کو مکمل کرنے کے لئے ایک ذیلی کمیٹی قائم کی گئی ہے اور ایک رپورٹ (اے ٹی آر) اسمبلی میں جلد ہی پیش کی جائے گی.