نئی دہلی: کانگریس جنرل سکریٹری پرینکا گاندھی واڈرا نے جمعرات کو مودی حکومت پر شدید حملہ کرتے ہوئے کہا کہ ملک میں معیشت کی حالت بے حد خراب ہے اور حکومت کرنے والا خود میں ہی مست ہے، عوام ہر محاذ پر پریشان ہیں۔
देश में अर्थव्यवस्था की हालत एकदम पतली है। सेवा क्षेत्र औंधे मुँह गिर चुका है। रोजगार घट रहे हैं। शासन करने वाला अपने में ही मस्त है, जनता हर मोर्चे पर त्रस्त है।
— Priyanka Gandhi Vadra (@priyankagandhi) November 7, 2019
پرینکا گاندھی واڈرا نے آج ٹوئٹر کے ذریعہ ملک کی معیشت کے سلسلے میں مرکز کی مودی حکومت پر طنز کرتے ہوئے لکھا، ’’ملک میں معیشت کی حالت بےحد خراب ہے۔سروس سیکٹر اوندھے منہ گرچکا ہے۔ روزگارکے مواقع کم ہو رہے ہیں۔ حکومت کرنے والا خود میں ہی مست ہے،عوام ہر محاذ پر پریشان ہیں۔‘‘
ایک دیگر ٹوئٹ میں کانگریس جنرل سکریٹری نے لکھا بی جے پی حکومت سے یہ سوال تو سب کو پوچھنا چاہیے کہ اس کے دور اقتدار میں کس کی بھلائی ہو رہی ہے۔ انہوں نے کہا، ’’وزیراعظم نے امریکہ جاکر اپنی ’ہاؤڈی مودی‘ تو کردی لیکن امریکہ نے وہاں کام کرنے کی خواہش رکھنے والے ہندوستانی لوگوں کے ایچ 1بی ویزا خارج کرنے میں اضافہ کردیا۔‘‘
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-