ریاست میں 29 میونسپل کارپوریشنوں کے انتخابات : 15 جنوری کو عام تعطیل کا اعلان

ریاست کی 29 میونسپل کارپوریشنوں کے انتخابات کے لیے جمعرات، 15 جنوری 2026 کو ووٹنگ منعقد ہوگی۔ اس سلسلے میں حکومت نے متعلقہ انتخابی حلقوں میں مذکورہ تاریخ کو عام تعطیل کا نوٹیفکیشن جاری کردیا ہے۔

سرکاری اعلامیے کے مطابق تمام سرکاری و نیم سرکاری دفاتر، کارپوریشنیں، بورڈز اور دیگر متعلقہ اداروں کو یہ نوٹیفکیشن پہنچانے کی ہدایت دی گئی ہے۔ حکومت نے واضح کیا ہے کہ یہ عام تعطیل ان ووٹروں پر بھی لاگو ہوگی جو اپنے میونسپل انتخابی حلقے سے باہر ملازمت یا دیگر امور کے سبب قیام پذیر ہیں تاکہ وہ بآسانی اپنے ووٹ کا حق استعمال کر سکیں۔

انتخابات سے متعلق تیاریوں کا سلسلہ جاری ہے جبکہ انتظامیہ نے عوام سے ووٹنگ میں بھرپور حصہ لینے کی اپیل کی ہے۔

نوٹیفکیشن کے مطابق یہ تعطیل تمام سرکاری، نیم سرکاری دفاتر، کارپوریشنوں، بورڈز، خود مختار اداروں، بینکوں اور دیگر حکومتی کنٹرول والے اداروں پر نافذ ہوگی۔
حکومت نے واضح کیا ہے کہ یہ چھٹی اُن رجسٹرڈ ووٹروں پر بھی لاگو ہوگی جو ملازمت یا کاروبار کے سلسلے میں اپنے میونسپل انتخابی حلقے سے باہر مقیم یا کام کر رہے ہوں تاکہ وہ اپنے ووٹ کا حق استعمال کرسکیں۔
اطلاعات و تعلقات عامہ کے محکمے کو نوٹیفکیشن کے وسیع پیمانے پر تشہیر کی ہدایت دی گئی ہے تاکہ عوام کو بروقت آگاہی فراہم ہوسکے۔