ناندیڑ:(ورق تازہ نیوز)پہلگام حملے کے بعد بھارتیہ جنتا پارٹی (بی جے پی) نے ناندیڑ میں بھارتی فوجیوں کی حوصلہ افزائی اور قومی یکجہتی کے اظہار کے لیے ایک ترنگا ریلی کا انعقاد کیا۔ یہ ریلی شنکرراو چوہان یادگار سے شروع ہو کر شیواجی مہاراج کے مجسمے تک نکالی گئی، جس میں بڑی تعداد میں شہریوں، بی جے پی کارکنان، سابق فوجیوں اور طلبہ نے شرکت کی۔اس موقع پر بی جے پی کے سینئر رہنما، سابق وزیر اعلیٰ اشوک چوہان، رکنِ راجیہ سبھا اجیت گوپچھڑے،شری جیا چوہان ایم ایل اے ‘ سنجے کوڈگے ‘ بی جے پی مہانگر صدر امرناتھ راجورکر‘ ضلع صدر سنتوک راو ہمبرڈے ‘ ایڈوکیٹ کشور دیشمکھ کے علاوہ بی جے پی مہاراشٹر کے دیگر رہنما اور کارکنان بھی موجود تھے۔ ریلی میں عوام کی بڑی تعداد نے شرکت کی،
جنہوں نے قومی پرچم تھام کر "جے ہند” اور "بھارت ماتا کی جے” کے فلک شگاف نعرے لگائے۔ریلی کے دوران شرکاء نے قومی پرچم تھامے ہوئے "جے ہند” اور "بھارت ماتا کی جے” کے نعرے لگائے، اور بھارتی فوج کی بہادری کو خراجِ تحسین پیش کیا۔ اس موقع پر مقامی بی جے پی رہنماو¿ں نے خطاب کرتے ہوئے کہا کہ پہلگام حملے میں شہید ہونے والے افراد کی قربانیوں کو رائیگاں نہیں جانے دیا جائے گا، اور پورا ملک فوج کے ساتھ کھڑا ہے۔یہ ریلی بی جے پی کی جانب سے ملک بھر میں نکالی جانے والی ترنگا یاترا کا حصہ ہے، جس کا مقصد بھارتی فوج کی قربانیوں کو سراہنا اور عوام میں حب الوطنی کا جذبہ بیدار کرنا ہے۔
اس سے قبل، ناگپور، چندرپور، امراو¿تی، سری نگر اور پہلگام میں بھی ایسی ریلیاں نکالی جا چکی ہیں، جن میں عوام کی بڑی تعداد نے شرکت کی۔پہلگام حملے کے بعد بھارتی حکومت نے "آپریشن سندور” کے تحت پاکستان میں دہشت گردوں کے ٹھکانوں پر حملے کیے، جن میں لشکرِ طیبہ اور جیشِ محمد کے نو کیمپ تباہ کیے گئے۔ ان کارروائیوں میں 14 دہشت گرد مارے گئے، جن میں مولانا مسعود اظہر کے رشتہ دار بھی شامل تھے۔ بی جے پی کی ان ریلیوں کو اپوزیشن جماعتوں کی جانب سے تنقید کا نشانہ بھی بنایا گیا ہے۔ شیو سینا (ادھو دھڑے) نے کہا ہے کہ پہلگام حملے کا مکمل بدلہ ابھی تک نہیں لیا گیا، اور بی جے پی ان ریلیوں کے ذریعے قومی سلامتی کے مسائل کو سیاسی فائدے کے لیے استعمال کر رہی ہے۔
تاہم، بی جے پی کا مو¿قف ہے کہ یہ ریلیاں فوجی جوانوں کی قربانیوں کو خراجِ تحسین پیش کرنے اور عوام میں قومی یکجہتی کا پیغام دینے کے لیے منعقد کی جا رہی ہیں۔ناندیڑ میں منعقدہ ترنگا ریلی نے مقامی سطح پر عوامی جوش و جذبے کو بڑھایا اور بھارتی فوج کے ساتھ یکجہتی کا مظاہرہ کیا۔