بھیونڈی (شارف انصاری ):- بھیونڈی تعلقہ واقع پائیگاوں کے رہنے والے آئی ٹی آئی کنسٹرکشن ڈگری حاصل کرنے والے اعلی تعلیم یافتہ نوجوان کے ذریعہ موبائل پر بلیو وہیل گیمز کھیلتے وقت زہریلی دوا پی کر خود کشی کرنے کا سنسنی خیز معاملہ روشنی میں آیا ہے ۔
موصولہ معلومات کے مطابق بھیونڈی تعلقہ کے تحت واقع پائیگاوں کے رہنے والے آئی ٹی آئی کنسٹرکشن ڈگری ہولڈر آکاش عرف كامیش کشن كاٹیكر 21 نامی اعلی تعلیم یافتہ نوجوان کو موبائل پر بلیو وہیل گیمز کھیلنے کی عادت تھی ۔ ذرائع کے مطابق گیمز کھیلنے سے مصیبت میں آنے پر نوجوان نے گھر میں رکھی تھايمیٹ نامی زہریلی دوا پی کر صبح گھر سے نکل گیا جو بعد میں قریب کے جابولپاڑہ راستے میں بیہوشی کی حالت میں ملا ۔ خبر ملتے ہی صبح خاندان کے لوگوں نے بیہوشی کی حالت میں اس کو علاج کے لئے بھیونڈی میں واقع آنجہانی اندرا گاندھی تحصیل ہسپتال میں داخل کرایا جہاں ڈاکٹروں نے طبی علاج سے پہلے ہی جانچ کے دوران اس کو مردہ قرار دے دیا۔ اس معاملے میں بھیونڈی تعلقہ پولیس نے خودکشی کا معاملہ درج کر لیا ہے ۔ معاملے کی جانچ پولیس حولدار آر پی لاڈكر کر رہے ہیں ۔