اتر پردیش: ماں نے 4 بیٹوں کے ساتھ زہر کھا کر کی خودکشی
فتح پور: اترپردیش کے ضلع فتح پور کے شانتی نگر کالونی میں ایک خاتون نے اپنے چاربچوں کو زہر کھلانے کےبعد خود زہر کھا کر خودکشی کرلی۔ پولیس نے بتایا کہ شانتی نگر کالونی میں رام بھروسے کی بیوی شیاما دیوی(42)نرنکاری بالکلا انٹرکالج میں کھانے پکانے کا کام کرتی تھی۔ رام بھروسے نشے کا عادی تھ اور کوئی کام نہیں کرتا تھا جس کی وجہ سے میاں۔بیوی میں آئے دن تنازع ہوتا رہتا تھا۔ پولیس کے مطابق شیاما نے دو دن قبل پہلے اپنے چاروں بیٹوں کو زہر کھلایا اور پھر خود کھالیا۔اور پولیس کو اس کی اطلاع دو دن بعد سنیچر کو اس وقت لگی جب پڑوسیوں نےمکان کے اندر سے بدبو آنے کی شکایت پولیس سے کی۔ مہلوکین کی شناخت شیاما(45)،پنکی(21)،پرینکا(14)،ورشا(12) اور ننکی (10) کے طور پر ہوئی ہے۔پولیس نے شوہر رام بھروسے کو گرفتار کرلیا ہے۔پولیس رام بھروسے کے علاوہ پڑوسیوں سے بھی پوچھ گچھ کررہی ہے۔ اطلاعات کے مطابق میاں۔بیوی میں دودن قبل کسی بات کے حوالے سے تنازع ہوا تھا اور دونوں کے درمیان یہی جھگڑا شیاما کے اس آخری قدم کا باعث بنا۔اس ضمن میں پولیس نے ایف آئی آر درج کرلی ہے اور چھان بین جاری ہے۔
کورونا وائرس: دو مزید مشتبہ مریض دہلی کے رام منوہر لوہیا اسپتال میں داخل
کورونا وائرس کے دو مزید مشتبہ مریضوں کو دہلی واقع رام منوہر لوہیا اسپتال میں داخل کرایا گیا ہے۔ کل 8 مشتبہ مریض اب اس اسپتال میں ڈاکٹروں کی نگرانی میں ہیں۔ اسپتال میں داخل دونوں نئے مشتبہ مریضوں کے سیمپل پونے جانچ کے لیے بھیجا گیا ہے۔
2 more people suspected of #coronavirus have been admitted to Delhi's Dr Ram Manohar Lohia Hospital; total 8 suspected cases of #coronavirus are admitted at the hospital. The samples of the two people have been sent for testing. pic.twitter.com/DJBZty3EBv
— ANI (@ANI) February 1, 2020
نربھیا معاملہ: مجرم اکشے ٹھاکر نے صدر جمہوریہ کے پاس بھیجی رحم کی عرضی
نربھیا معاملہ کے مجرموں کو پھانسی کی سزا سنا دی گئی ہے لیکن روزانہ کسی نہ کسی عرضی پر سماعت ہو رہی ہے یا پھر صدر جمہوریہ کے پاس رحم کی عرضی پہنچ جا رہی ہے۔ تازہ ترین اطلاعات کے مطابق اب مجرم اکشے ٹھاکر نے صدر جمہوریہ کے پاس رحم کی عرضی بھیجی ہے۔ اس سے قبل ونے کمار کی رحم کی عرضی آج صبح ہی صدر جمہوریہ نے خارج کی تھی۔
2012 Nirbhaya case convict Akshay Thakur has now filed a mercy petition before the President of India pic.twitter.com/mKtyqlGU51
— ANI (@ANI) February 1, 2020
نربھیا معاملہ: صدر جمہوریہ نے ونے کمار کی رحم کی عرضی خارج کی
نربھیا اجتماعی عصمت دری اور قتل معاملہ کے ایک مجرم ونے کمار شرما کی رحم کی عرضی صدر جمہوریہ رام ناتھ کووند نے خارج کر دی ہے۔ ونے کمار شرما سمیت چاروں مجرموں کو یکم فروری کو پھانسی دیے جانے کی تاریخ مقرر تھی لیکن 31 جنوری کو دہلی کی ایک عدالت نے پھانسی کو ملتوی کرنے کا اعلان کیا تھا اور کہا تھا کہ آئندہ حکم جاری ہونے تک یہ پھانسی ملتوی رہے گی۔
2012 Delhi gang-rape case: The President of India rejects mercy plea of convict Vinay Sharma pic.twitter.com/SDzNrEiYxk
— ANI (@ANI) February 1, 2020
حکومت ’شاہین باغ مظاہرین‘ سے بات چیت کرنے کے لیے تیار: روی شنکر پرساد
مرکزی وزیر قانون روی شنکر پرساد نے ہفتہ کے روز شہریت ترمیمی قانون کے خلاف احتجاجی مظاہرہ کر رہے لوگوں کے ساتھ بات چیت کی تجویز پیش کی ہے۔ انھوں نے ایک ٹوئٹ کیا ہے جس میں لکھا ہے کہ وہ ایک خاکہ تیار کریں گے جس کے تحت شاہین باغ کے مظاہرین سے بات چیت کریں گے۔ اس دوران ان کی شہریت ترمیمی قانون کو لے کر اندیشے دور کیے جائیں گےْ۔ قابل ذکر ہے کہ شاہین باغ میں خواتین شہریت قانون اور این آر سی کے خلاف گزشتہ 15 دسمبر سے دھرنا و مظاہرہ کر رہی ہیں۔
Government is ready to talk to protestors of Shaheen Bagh but then it should be in a structured form and the @narendramodi govt is ready to communicate with them and clear all their doubts they have against CAA. pic.twitter.com/UjGikFN8tY
— Ravi Shankar Prasad (@rsprasad) February 1, 2020
کورونا وائرس: چین سے 324 ہندوستانی دہلی پہنچے، سبھی آئی ٹی بی پی کیمپ میں داخل
چین میں کورونا وائرس سے مچے کہرام کے درمیان وُہان میں بسے 324 ہندوستانی شہریوں کو ائیر لفٹ کر کے دہلی ائیر پورٹ پر آج صبح لایا گیا ہے۔ ان میں کئی طلبا بھی ہیں۔ جمعہ کی دوپہر ائیر انڈیا کی ایک اسپیشل فلائٹ نے ہندوستان سے وُہان کے لیے پرواز بھری اور پھر جمعہ کی دیر رات ہندوستانیوں کا پہلا جتھہ لے کر وُہان سے واپسی کے لیے اڑے۔ ہفتہ کی صبح تقریباً ساڑھے سات بجے دہلی ائیر پورٹ پر فلائٹ لینڈ ہوا۔ ائیر پورٹ پر موجود اسکریننگ کیمپ میں وُہان سے لائے گئے مسافروں کی جانچ ہوئی اور اس کے بعد انھیں دہلی میں ہی آئی ٹی بی پی کیمپ میں داخل کر دیا گیا۔
میڈیا ذرائع کے مطابق دہلی ائیر پورٹ پر چین کے وُہان سے ائیر انڈیا کی فلائٹ میں آنے والے سبھی 324 ہندوستانیوں کو ہندوستان-تبت سرحدی پولس (آئی ٹی بی پی) چھاؤلا کیمپ میں لے جایا گیا ہے۔ انھیں میڈیکل جانچ کے لیے 14 دنوں کے لیے کیمپ میں رکھا جائے گا۔
Delhi: #CoronaVirus screening will be conducted by a team of doctors at Delhi Airport for all the 324 Indians who have arrived in the Air India special flight from Wuhan (China). Later on, if necessary, they will be put under medical observation. https://t.co/nhLnq2GIz8 pic.twitter.com/NgGep1mM6q
— ANI (@ANI) February 1, 2020
Delhi: Indians who arrived in the Air India special flight from Wuhan (China) at Delhi Airport today, are being taken to the Indo-Tibetan Border Police (ITBP) Chhawla Camp. They will be kept in isolation for 14 days at the camp for medical observation. #CoronaVirus pic.twitter.com/U6D1Xa1WE8
— ANI (@ANI) February 1, 2020
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو