کشمیر میں جیش محمد کے 5 جنگجو گرفتار، بڑے دہشت گردانہ واقعہ کو انجام دینے کی تھی تیاری
سرینگر: جموں و کشمیر پولیس نے یوم جمہوریہ سے پہلے وادی میں بڑے دہشت گردانہ واقعہ کو انجام دینے کا منصوبہ بنانے والے 5 شدت پسندوں کوگرفتار کر لیا ہے۔ پولیس نے جمعرات کو بڑی کارروائی کرتے ہوئے جیش محمد ماڈیول کا انکشاف کرتے ہوئے اس کے 5 شدت پسندوں کو گرفتار کرلیا۔ پولیس نے بتایا کہ پکڑے گئے شدت پسندوں کے پاس بڑی مقدار میں دھماکہ خیر مواد برآمد کیا گیا ہے۔ جو یوم جموہریہ سے پہلے وادی میں بڑی دہشت گردانہ واردات کو انجام دینے کا منصوبہ بنارہےتھے۔
دہلی اسمبلی الیکشن کے پیش نظر سونیا گاندھی کی رہائش پر ہو رہی میٹنگ
دہلی اسمبلی انتخاب کے پیش نظر کانگریس صدر سونیا گاندھی کی رہائش گاہ پر کانگریس سنٹرل الیکشن کمیٹی کی میٹنگ چل رہی ہے۔ میڈیا ذرائع کے مطابق میٹنگ میں اسمبلی انتخاب میں اتارے جانے والے امیدواروں کے تعلق سے بات چیت ہو رہی ہے اور امکان ہے کہ جلد دہلی کی سبھی 70 اسمبلی سیٹوں کے لیے امیدواروں کے نام کا اعلان ہو جائے گا۔
Delhi: Congress Central Election Committee (CEC) meeting is underway at party's interim president Sonia Gandhi's residence to discuss candidates for #DelhiElections2020 pic.twitter.com/tiLtNL619w
— ANI (@ANI) January 17, 2020
دہلی: امن و امان کے لیے لوگوں نے رکھا روزہ، جامع مسجد میں 10 ہزار لوگوں کے افطار کا نظم
اس وقت ملک کا ماحول بہت خراب ہے اور خصوصی طور پر شہریت قانون اور این آر سی کو لے کر پورا ملک سڑکوں پر اترا ہوا ہے۔ مودی حکومت کے ذریعہ نافذ شہریت ترمیمی قانون کو واپس لینے کا مطالبہ لگاتار بڑھتا ہی جا رہا ہے۔ اس درمیان آل مارکیٹ ایسو سی ایشن آف جامع مسجد دہلی کی جانب سے گزشتہ کچھ دنوں سے اپیل کی جا رہی تھی کہ 17 جنوری بروز جمعہ ملک میں امن و امان کے لیے نفلی روزہ رکھیں اور افطار کا انتظام جامع مسجد کے صحن میں کیا جائے گا۔ نماز مغرب کے بعد اجتماعی دعا کا بھی اہتمام کیا جائے گا۔ لوگوں سے اس افطار میں شرکت کی گزارش بھی کی گئی ہے کیونکہ جامع مسجد میں تقریباً 10 ہزار لوگوں کے افطار کا انتظام کیا گیا ہے۔
تمل ناڈو میں آج سے جلی کٹو مقابلہ شروع، 700 بیلوں کی شرکت
تمل ناڈو میں جلی کٹو کھیل کا مقابلہ آج سے شروع ہو گیا ہے اور اس میں کم و بیش 700 بیلوں کو شریک کیا گیا ہے۔ یہ کھیل تمل ناڈو میں کافی مقبول ہے اور یہ بہت خطرناک بھی ہے۔ اس مقابلے کے دوران اب تک کئی اموات بھی ہو چکی ہیں۔ کئی سماجی کارکنان اس مقابلے کو ہمیشہ کے لیے بند کرانے کے حامی ہیں۔
Tamil Nadu: #Jallikattu competition begins in Alanganallur town of Madurai district today. More than 700 bulls are participating in the competition. pic.twitter.com/rqkvsW7nMV
— ANI (@ANI) January 17, 2020
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو