مہاراشٹر میں این آر سی نافذ نہیں ہونے دیں گے: ادھو ٹھاکرے
مہاراشٹر کے وزیر اعلیٰ ادھو ٹھاکرے نے شہریت ترمیمی قانون، این پی آر اور این آر سی کو لے کر بڑا بیان دیا ہے۔ انھوں نے کہا کہ ’’سی اے اے، این آر سی اور این پی آر تینوں الگ الگ ہیں۔ کسی کو سی اے اے کو لے کر ڈرنے کی ضرورت نہیں ہے۔ رہا سوال این آر سی کا، تو ہم اسے مہاراشٹر میں نافذ نہیں ہونے دیں گے۔‘‘ انھوں نے مزید کہا کہ ’’اگر این آر سی نافذ کیا جاتا ہے تو یہ نہ صرف ہندو یا مسلم بلکہ قبائلیوں کو بھی متاثر کرے گا۔ مرکز نے این آر سی پر ابھی بحث نہیں کی ہے۔ این پی آر ایک مردم شماری ہے، اور مجھے نہیں لگتا کہ کوئی بھی متاثر ہوگا۔ کیونکہ یہ ہر 10 سال میں ہوتا ہے۔‘‘
Maharashtra CM Uddhav Thackeray: If NRC is implemented then it will affect not only Hindus or Muslims but also Adivasis. Centre has not discussed NRC as of now. NPR is a census, and I don’t find that anyone will be affected as it happens every ten years. https://t.co/e8AdMif6ks
— ANI (@ANI) February 18, 2020
گاندھی کے قاتل گوڈسے کے تئیں نرم ہے جنتا دل یو کا رویہ: پرشانت کشور
پٹنہ میں پریس کانفرنس کرتے ہوئے پرشانت کشور نے جنتا دل یو کے خلاف بڑا بیان دیا ہے۔ انھوں نے کہا کہ ’’جنتا دل یو کے نظریہ کو لے کر میرے اور نتیش جی کے درمیان کئی بار باتیں ہوئی ہیں۔ نتیش جی نے ہمیشہ ہمیں بتایا کہ گاندھی جی کے اصولوں کو پارٹی کبھی نہیں چھوڑ سکتی، لیکن اب جنتا دل یو گاندھی کے قاتل ناتھو رام گوڈسے کے تئیں نرم نظر آ رہی ہے۔ میرے لیے گاندھی جی اور گوڈسے ساتھ-ساتھ نہیں چل سکتے ہیں۔‘‘
Political strategist Prashant Kishor: Hum woh neta chahte hain jo sashakt ho, jo Bihar ke liye apni baat kehne mein kisi ka pichhlaggu na bane. https://t.co/V7X22ul1Rw pic.twitter.com/5SMSJCClm0
— ANI (@ANI) February 18, 2020
سچن تندولکر ’لاریس 20‘ اسپورٹس ایوراڈ سے سرفراز
ہندوستانی کرکٹ ٹیم کے سابق سلامی بلے باز ماسٹر بلاسٹر سچن تندولکر نے سبکدوش ہونے کے بعد بھی اپنی چمک نہیں کھوئی ہے۔ انھوں نے اپنے ریکارڈ بک میں ایک نیا ریکارڈ جوڑ لیا ہے۔ دراصل سچن تدنولکر نے لاریس 20 اسپورٹنگ مومنٹ 20-2000 کا انعام اپنے نام کر لیا ہے۔ جرمنی کی راجدھانی برلن میں منعقد لاریس ورلڈ اسپورٹس ایوارڈ پروگرام میں سچن تندولکر کے نام کا اعلان کیا گیا۔ اس پروگرام کے لیے سچن تندولکر کا نام بیسٹ اسپورٹنگ مومنٹ کیٹوگری میں ڈالا گیا تھا۔ اس ایوارڈ کے لیے سچن تندولکر سمیت دنیا بھر کے 20 دعویدار نامزد ہوئے تھے۔ ان سبھی کو پیچھے چھوڑتے ہوئے تندولکر نے یہ ایوارڈ اپنے نام کر لیا۔
Tendulkar's victory lap post 2011 World Cup win named Laureus Sporting Moment of past 2 decades
Read @ANI Story | https://t.co/BpbFFVg58y pic.twitter.com/Ju3fJcKbyy
— ANI Digital (@ani_digital) February 17, 2020
اتر پردیش: کان پور میں خوفناک سڑک حادثہ، 6 افراد ہلاک
کانپور: اترپردیش میں کانپور-بلهور علاقہ کے آگرہ-لکھنؤ ایکسپریس وے کے فلائی اوور پر تیز رفتار وولوو بس ڈیوائڈر توڑتے ہوئے دوسری سمت سے آنے والی لگژری گاڑی سے ٹکراکر نیچے گر گئی، جس سے چھ افراد کی موت ہو گئی۔ نگراں سینئر پولیس سپرنٹنڈنٹ انل کمار نے منگل کو یہاں یہ اطلاع دی۔ انہوں نے بتایا کہ ایکسپریس وے پر مكن پور اور ارول کے درمیان 215 مائل اسٹون کے پاس آگرہ سے لکھنؤ کی طرف جا رہی وولوو بس کے ڈرائیور کو جھپکی آ گئی، جس سے بس بے قابو ہوکر دوسری لین میں چلی گئی اور لکھنؤ کی طرف سے آنے والی لگژری کار سے ٹکرا گئی، اس کے بعد بس فلائی اوور سے نیچے جا گری۔ انہوں نے بتایا کہ ٹکر اتنی شدید تھی کہ فارچيونر کار کے پرخچے اڑ گئے اور اس میں سوار تمام پانچ افراد نے موقع پر ہی دم توڑ دیا۔
بہار: شادی کی تقریب کا کھانا کھا کر 50 لوگ ہوئے بے حال، اسپتال میں داخل
بہار کے سونپور ڈویژن کے کلیان پور پنچایت میں شادی تقریب میں کھانا کھانے کے بعد تقریباً 50 لوگ بیمار پڑ گئے ہیں۔ سبھی لوگوں کو پیٹ درد، الٹی اور دست کی شکایت کے بعد قریب کے اسپتال میں داخل کروایا گیا ہے۔ بتایا جا رہا ہے کہ سبھی لوگ فوڈ پوائزننگ کے شکار ہوئے ہیں۔
Bihar: Around 50 people admitted to a hospital after consuming food at a wedding ceremony in Sonpur. SS Pandey Sub-Divisional Officer says, "A team of doctors is being sent to the wedding place, as there are chances of other people who had consumed food getting sick". (17.02.20) pic.twitter.com/q0jJJiJ8AB
— ANI (@ANI) February 17, 2020
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو