این سی پی جانب سے انتخابی مہم کا آغاز
مہاوتی حکومت کی فلاحی اسکیموں کے بارے میں معلومات دینے والی ’ایل ای ڈی وین‘ کو اجیت پوار نے جھنڈی دکھائی
ممبئی: این سی پی کے قومی صدر اور نائب وزیر اعلیٰ اجیت پوار نے ’ایل ای ڈی وین‘ کو جھنڈی دکھا کر اسمبلی انتخابی مہم کا آغاز کیا ہے۔ یہ معلومات این سی پی کے ریاستی صدر ایم پی سنیل تاٹکرے نے میڈیا کو دی۔ اسمبلی میں جہاں جہاں این سی پی کے امیدوار مقابلہ کررہے ہیں، یہ انتخابی وین ان حلقوں میں جائے گی۔
اس ’ایل ای ڈی وین‘ کے ذریعے مہایوتی حکومت کی طرف سے نافذ کردہ عوامی فلاحی اسکیموں جیسے ’لاڈکی بہین‘ اسکیم سے 2.5 کروڑ خواتین کو فائدہ پہنچا، کسانوں کو زراعت کے لیے بجلی کی معافی، مفت تین گیس سلنڈر اسکیم وغیرہ کے بارے میں عوام کو معلومات دی جائے گی۔ سنیل تٹکرے نے بتایا کہ 100 فیصد اخراجات برداشت کرنے کا انقلابی فیصلہ اور بہت سی دیگر اسکیمیں عوام اور ووٹرز تک پہنچانے کی کوشش ہے۔
اس موقع پر این سی پی کے قومی صدر اور نائب وزیر اعلیٰ اجیت پوار، ریاستی صدر ایم پی سنیل تٹکرے، پارٹی کے خزانچی ایم ایل اے شیواجی راؤ گرجے، ریاستی نائب صدر پرمود ہندو راؤ، ریاستی ترجمان سنجے تٹکرے، ممبئی بینک کے نائب صدر سدھارتھ کامبلے، ریاستی جنرل سکریٹری سنتوش دھووالی، ریاستی جنرل سکریٹری لطیف تمبولی، جنوبی ممبئی کے ضلع صدر مہیندر پنسارے، ودیارتھی ریاستی صدر پرشانت کدم اور بڑی تعداد میں پارٹی عہدیدار اور کارکنان موجود تھے۔
