بھوبنیشور:14ویں ورلڈ کپ ہاکی ٹورنامنٹ کے افتتاحی میچوں میں ہند اور بیلجیئم نے اپنے اپنے میچز جیت لئے ہیں۔افتتاحی روز بیلجیم نے کینیڈا کو ایک کے مقابلے میں2گول سے ہرا دیاجبکہ ہند نے جنوبی افریقہ کے خلاف میچ کو یکطرفہ بناتے ہوئے 0-5 سے کامیابی حاصل کی۔ہندکے شہر بھوبنیشور میں کھیلے جا نیوالے ورلڈ کپ ہاکی کے پہلے میچ میں بیلجیم نے کینیڈا کے خلاف تیسرے ہی منٹ میں گول کر دیا۔دوسرے کوارٹر میں کپتان بریلز تھامس نے دوسرا گول کرکے برتری دگنی کردی جو تیسرے کوارٹر تک برقرار رہی۔
WHAT. A. MOMENT.
Relive this epic moment from yesterday, when the legends of our 1975 World Cup winning team came forward to congratulate the team after the win! 🇮🇳❤️#HWC2018 #LoveHockey #DilHockey pic.twitter.com/3y3An1nJUb
— Hockey India (@TheHockeyIndia) November 29, 2018
چوتھے اورآخری کوارٹر میں پیئرسن مارک نے کینیڈا کی طرف سے واحد گول کرکے اسکور2-1 کردیا اور اسی اسکور پر بیلجیم کی جیت کے ساتھ میچ کا اختتام ہوا۔دوسرے میچ میں میزبان ہندنے جنوبی افریقہ کو آوٹ کلاس کرتے ہوئے میچ میں 5 گول اسکور کئے جبکہ جنوبی افریقہ کی ٹیم کوئی گول نہ کر سکی۔آئندہ میچوں میں و ارجنٹائن کا مقابلہ اسپین سے اور نیوزی لینڈ کا مقابلہ فرانس سے ہوگا۔پاکستان پہلا میچ یکم دسمبر کو جرمنی جیسی مضبوط ٹیم کےخلاف میدان میں اترے گا۔