کنوٹ قانون ساز اسمبلی RSAP کے امیدوار گووند جیتھیوار کی خودکشی کی کوشش

کنوٹ :5نومبر (اکرم چو ہان) راشٹریہ سماج پارٹی کے امیدوار برائے قانون ساز اسمبلی گووند سمنا جیتھیور نے آج دوپہر زہر پی کر خودکشی کرنے کی کوشش کی۔ اس کے اہل خانہ نے اسے علاج کے لیے اپیزہ اسپتال گوکندہ میں داخل کرایا اور میڈیکل آفیسر ڈاکٹر۔ وی اے۔ سنگم واڑ نے اس کا علاج کیا۔

تاہم اس کی حالت سنگین ہونے کی وجہ سے اسے مزید علاج کے لیے ریاست تلنگانہ کے عادل آباد ڈسٹرکٹ اسپتال سے رجوع کیا گیا ہے۔کنوت تعلقہ میں جیتھیواڑ تاجروں اور لینڈ مافیا کے ساتھ زمین کا سودا کر رہے ہیں۔ لیکن، لین دین مکمل نہ ہونے کی وجہ سے کچھ لوگوں نے جیتھیواڑ کو رقم واپس کرنے کے لیے زودوکوب کیا۔ اس کی وجہ سے جیتھیواڑ شدید ذہنی دباو میں تھا۔

خیال کیا جا رہا ہے کہ اس نے مالی بحران کی وجہ سے زہر پی لیا۔ تاہم اس نے زہر کیوں پیا اس کی وجہ ابھی تک واضح نہیں ہو سکی ہے۔