کرکٹ عالمی کپ LIVE: بنگلہ دیش کے خلاف اَفغانستان نے جیتا ٹاس، گیندبازی کا فیصلہ

افغانستان نے ٹاس جیت کر بنگلہ دیش کو بلے بازی کی دعوت دی

کرکٹ عالمی کپ میں آج بنگلہ دیش اور افغانستان کے درمیان میچ کھیلا جا رہا ہے۔ افغانستان کے کپتان گلبدین نائب نے ٹاس جیت کر پہلے گیندبازی کا فیصلہ کیا ہے۔ افغانستان نے ابھی تک اس ٹورنامنٹ میں ایک بھی میچ نہیں جیتا ہے اور اس کی کوشش ہو گی کہ بنگلہ دیش کو شکست دے کر دو پوائنٹ حاصل کرے۔ حالانکہ افغانستان اس ٹورنامنٹ سے باہر ہو چکی ہے اور وہ اب صرف لیگ میچ ہی کھیل پائے گی۔ دوسری طرف بنگلہ دیش کے لیے یہ میچ انتہائی اہم ہے کیونکہ اسے ٹورنامنٹ میں بنے رہنے کے لیے یہ میچ جیتنا بہت ضروری ہے۔ چونکہ شکیب الحسن، مشفق الرحیم اور تمیم اقبال جیسے بلے باز فارم میں نظر آ رہے ہیں اس لیے بنگلہ دیش کے لیے راہیں آسان نظر آ رہی ہیں۔ لیکن افغانستان کی ٹیم کو بھی ہلکے میں نہیں لیا جا سکتا۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-