پاکستان کو سال 2020 کے ایشیا کپ کی میزبانی

دبئی۔14۔دسمبر ۔سال 2020 کے ایشیا کپ کی میزبانی پاکستان کو دی گئی ہے ۔میزبانی پاکستان کو دینے کا فیصلہ ایشین کرکٹ کونسل کے اجلاس میں کیا گیا ۔ البتہ میچز کہاں کہاں ہوں گے ، اس کا فیصلہ ٹورنامنٹ سے کچھ عرصہ پہلے کیا جائے گا۔ایشیا کپ ستمبر 2020 میں منعقد کیا جائے گا اور اس مرتبہ ایشیا کپ ٹی ٹوینٹی فارمیٹ پر کھیلا جائے گا۔یوں تو پاکستان کرکٹ بورڈ پی سی بی کو ایشیا کپ کی میزبانی مل گئی ہے ، لیکن اس بات کی کوئی گارنٹی نہیں ہے کہ یہ میچ بھی پاکستان میں ہی ہوں گے ۔ ہوسکتا ہے کہ اس ٹورنامنٹ کا انعقاد یو اے ای میں کیا جائے ۔ دراصل گزشتہ کچھ سال سے پاکستان کے سبھی گھریلو نٹرنیشنل میچز یو اے ای میں ہی ہورہے ہیں ۔