نئی دہلی: پارلیمنٹ کی سکیورٹی میں بڑی کوتاہی سامنے آئی ہے۔ بدھ کو لوک سبھا کی کارروائی کے دوران ایوان میں اس وقت افراتفری کا ماحول پیدا ہو گیا جب اچانک دو نوجوان سامعین گیلری سے ایوان میں داخل ہو گئے۔ چھلانگ لگاتے ہی دونوں نوجوان آگے بڑھنے لگے۔
خبر رساں ایجنسی آئی اے این ایس کے مطابق، اس وقت ایوان میں موجود اراکین پارلیمنٹ نے دونوں کو پکڑنے کی کوشش کی تو اس نے اپنے جوتے سے کچھ نکالنے کی کوشش کی۔ کئی ارکان پارلیمنٹ نے یہ بھی بتایا کہ اس وقت ایوان کے اندر پیلا دھواں بھی نظر آیا۔
https://x.com/barandbench/status/1734852163548135542?s=20
ارکان پارلیمنٹ نے دونوں کو پکڑ کر سکیورٹی اہلکاروں کے حوالے کر دیا۔ ایوان کی کارروائی کی صدارت کرنے والے چیئرمین راجندر اگروال نے فوری طور پر لوک سبھا کی کارروائی روک کر اسے دو بجے تک ملتوی کر دی۔