پاکستان کے لیے 131 رنز کے ہدف کا تعاقب آسان نہ رہا اور ابتدا میں وکٹیں گِرنے سے مڈل آرڈر پر دباؤ بڑھ گیا۔
شان مسعود اور شاداب خان کے درمیان 52 رنز کی شراکت ہوئی مگر سپنر سکندر رضا نے تین وکٹیں حاصل کر کے زمبابوے کی میچ میں واپسی کرائی۔
محمد نواز اور محمد وسیم نے ایک ساتھ 34 رنز جوڑے۔ آخری اوور میں نواز کی وکٹ کے بعد درکار 11 رنز مکمل نہ ہوسکے۔
آخری گیند پر شاہین کو تین رنز بنانا تھے مگر وہ لانگ آن پر شاٹ لگانے کے بعد دوسرا رن لیتے ہوئے وکٹ کیپر کے ہاتھوں رن آؤٹ ہوگئے۔
خیال رہے کہ زمبابوے نے 2021 میں پاکستان کو 99 رنز پر آؤٹ کرکے 18 رنز سے کامیابی حاصل کی تھی۔