نانڈیڑ (نامہ نگار) ضلع کے مختلف تھانوں کی حدود میں پیش آئے سنگین نوعیت کے جرائم پر پولیس نے مقدمات درج کر کے تفتیش شروع کر دی ہے۔ تفصیلات کے مطابق وزیرآباد پولیس اسٹیشن کی حدود میں 24 فروری 2026 کی رات تقریباً 11:30 بجے دولہے شاہ ہ رحمان نگر، نانڈیڑ میں ایک افسوسناک واقعہ پیش آیا۔ متوفیہ عظمیٰ سید جیلانی (عمر 33 سال، ساکن سمیرا باغ، نانڈیڑ) نے شیخ مجو شیخ عثمان (عمر 24 سال، ساکن دولیشاہ رحمان نگر) کے خلاف مقدمہ درج کروایا تھا۔الزام ہے کہ ملزم مقدمہ واپس لینے کے لیے دباو ڈال رہا تھا اور متوفیہ کی ویڈیو وائرل کرنے کی دھمکیاں دے رہا تھا۔ اسی سلسلے میں متوفیہ ملزم کے والدین سے شکایت کرنے اس کے گھر گئی، مگر دروازہ نہ کھولے جانے پر اس نے اپنے اوپر پٹرول چھڑک کر خود کو آگ لگا لی۔مرحومہ کے والد سید جیلانی سید احمد علی (عمر 69 سال) کی شکایت پر وزیرآباد پولیس نے جرم نمبر 91/2026 کے تحت دفعہ 108 بھارتیہ نیائے سنہیتا 2023 کے مطابق مقدمہ درج کر لیا ہے۔ مزید تفتیش جاری ہے۔
شیواجی نگر: زبردستی چین چھیننے کا واقعہ –
21 فروری 2026 کو صبح 6 بجے وساوا گارڈن کے سامنے عوامی سڑک پر دو نامعلوم افراد نے بغیر نمبر پلیٹ موٹر سائیکل پر آ کر ایک نوجوان کو روکا۔ قلم مانگنے کے بہانے اس کے ہاتھ سے 15 ہزار روپے مالیت کی چاندی کی چین چھین لی اور تھپڑ مارتے ہوئے فرار ہو گئے۔آنند راو کڈلیکر بوکرے (عمر 49 سال، ساکن سومیشور، نانڈیڑ) کی شکایت پر شیواجی نگر پولیس نے جرم نمبر 79/2026 کے تحت بھارتیہ نیائے سنہیتا 2023 کی دفعات 309 (4)، 3 (5) کے تحت مقدمہ درج کیا ہے۔ ایک قانون سے متصادم نابالغ کو حراست میں لے لیا گیا ہے اور مسروقہ مال برآمد کر لیا گیا ہے۔ مزید تحقیقات جاری ہیں۔
شدید مارپیٹ کا واقعہ – ناندیڑ رورل:23 فروری 2026 کی شام 7:15 بجے سہیوگ کالج کے قریب پرانے جھگڑے کی بنیاد پر تین ملزمان سمیت دیگر افراد نے ایک نوجوان پر لوہے کی راڈ سے حملہ کر کے شدید زخمی کر دیا۔ملزمان کی شناخت سمیت (ساکنان وشنو پوری و پانگری، نانڈیڑ) کے طور پر ہوئی ہے۔ شیواجی مانیک راو¿ بارسے (عمر 42 سال، ساکن کالیشور نگر، وشنو پوری) کی شکایت پر نانڈیڑ دیہی پولیس نے جرم نمبر 170/2026 کے تحت بھارتیہ نیائے سنہیتا 2023 کی متعلقہ دفعات میں مقدمہ درج کیا ہے۔ تفتیش جاری ہے۔
اردھاپور:دھوکہ دہی کا معاملہ –5 فروری 2026 کو اسٹیٹ بینک آف انڈیا، اردھاپور شاخ میں چار لاکھ روپے کا چیک جمع کرایا گیا جو کھاتے میں رقم نہ ہونے کی وجہ سے باو¿نس ہو گیا۔ملزمان پرفل پربھاکر اوبالے اور نارائن راملو رام دنوار (ساکنان چنتامنی نگر، پونے) کے خلاف فراڈ کا الزام ہے۔ شکایت گزار سوراج دیپک دیشمکھ (ساکن اردھاپور) کی درخواست پر اردھاپور پولیس نے جرم نمبر 94/2026 کے تحت بھارتیہ نیائے سنہیتا 2023 کی دفعہ 318 (4)، 3 (5) کے مطابق مقدمہ درج کیا ہے۔
مدکھیڑ: غیر قانونی ریت کی اسمگلنگ :24 فروری 2026 کو مدکھیڑ کے ٹھاکرے چوک پر پولیس نے کارروائی کرتے ہوئے بغیر اجازت ریت کی نقل و حمل کرنے والی تین گاڑیاں ضبط کیں۔میں تقریباً 18 لاکھ 50 ہزار روپے مالیت کا مال ضبط کیا گیا، جس میں تین ہائیوا اور ٹپر گاڑیاں اور مجموعی طور پر ریت شامل ہے۔ ملزمان کے خلاف بھارتیہ نیائے سنہیتا 2023 کی دفعات 303 (2)، 3 (5) کے تحت مقدمہ درج کیا گیا ہے۔
امتحانی مرکز پر لاو?ڈ اسپیکر کے ذریعے نقل – سندھکھیڑ۔25 فروری 2026 کو دہیلی تانڈا، تعلقہ کنوٹ کے ایک آشرم اسکول امتحانی مرکز کے قریب عمارت پر لاوڈ اسپیکر لگا کر نامعلوم افراد کی جانب سے ایم سی کیو سوالات کے جوابات بتانے کا معاملہ سامنے آیا۔مرکز کے نگران سبودھ اشوک راو¿ تھورات کی شکایت پر سندھکھیڑ پولیس نے مہاراشٹر غیر طریقہ کار انسداد قانون کے تحت مقدمہ درج کر کے تحقیقات شروع کر دی ہیں۔
غیر قانونی دیسی شراب ضبط – کنوٹ:25 فروری 2026 کو موضع کنک واڑی، تعلقہ کنوٹ میں دلیپ رام راو¿ سوریہ ونشی (عمر 39 سال) کو بغیر اجازت 6 ہزار روپے مالیت کی دیسی شراب فروخت کی نیت سے رکھنے کے الزام میں گرفتار کیا گیا۔کنوٹ پولیس نے مہاراشٹر پروہیبیشن ایکٹ کی دفعہ 65 (ای) کے تحت مقدمہ درج کیا ہے۔پولیس ذرائع کے مطابق تمام معاملات کی سنجیدگی سے تفتیش جاری ہے اور قصورواروں کے خلاف سخت قانونی کارروائی کی جائے گی۔