ناندیڑ:22اکتوبر (ورق تازہ نیوز) منگل کو پہلے دن ضلع کے نو اسمبلی حلقوں میں کوئی پرچہ نامزدگی داخل نہیں ہوا۔ 200 سے زائد امیدواروں نے 411 امیدواروں کی درخواستیں لے رکھی ہیں۔ ناندیڑ لوک سبھا ضمنی انتخاب کے لیے آج پہلے ہی دن ایک آزاد امیدوار نے اپنی درخواست داخل کی ہے۔ ناندیڑ ضلع میں نو اسمبلی حلقے ہیں۔ اس میں ناندیڑ شمالی، ناندیڑ جنوبی، بھوکر، لوہا، کنوٹ، حدگاو¿ں، دیگلور، مکھیڑ اور نائگاو¿ں اسمبلی حلقے شامل ہیں۔
ناندیڑ شمالی حلقہ میں 37 امیدواروں نے 54 درخواستیں حاصل کی ہیں۔ بھوکر اسمبلی حلقہ میں 61 امیدواروں نے 69 درخواستیں حاصل کی ہیں۔ لوہا حلقہ میں 21 امیدواروں کی جانب سے 53 درخواستیں، کنوٹ حلقہ میں 18 امیدواروں کی جانب سے 41 درخواستیں، حلقہ حدگاو¿ں میں 25 امیدواروں کی جانب سے 36 درخواستیں، ناندیڑ جنوب حلقہ میں 69 امیدواروں کی جانب سے 40 درخواستیں،
حلقہ دیگلور 22 سے 59 امیدواروں کی جانب سے 44 درخواستیں‘ نائگاوں حلقہ سے 22 امیدواروں نے 36 درخواستیں حاصل کی ہیں۔ پہلے دن ایک بھی امیدوار نے اسمبلی حلقہ کے لیے اپنا امیدوار داخل نہیں کیا۔
لوک سبھا کے لیے درخواست دائر : لوک سبھا ضمنی انتخاب کے لیے پرچہ نامزدگی داخل کرنے کے پہلے دن آج ایک درخواست داخل کی گئی ہے۔ آج پچیس افراد نے تقریباً 45 درخواستیں خریدی ہیں۔ ظفر علی خان ایک آزاد امیدوار ہیں جنہوں نے آج پہلے دن لوک سبھا ضمنی انتخاب کے لیے اپنی درخواست داخل کی۔