ناندیڑ:29ستمبر(ور ق تازہ نیوز)مہاراشٹراسمبلی انتخابات 2019ءکے لئے کانگریس پارٹی نے اپنے نامزد امیدواروں کی پہلی فہرست جاری کردی ہے ۔جس میں51امیدواروں کے نام شامل ہیں۔ اکیس اکتوبر کو مہاراشٹرا انتخابات میں حصہ لینے والے پارٹی کے 51 امیدواروں کی پارٹی کی پہلی فہرست میں مہاراشٹرا کے سابق وزیر اعلی اشوک چوان ، موجودہ کانگریس کے ریاستی صدر بالاصاحب تھورٹ اور اسمبلی میں اپوزیشن لیڈر نام دیو راؤ شامل ہیں.
2014 کے اسمبلی انتخابات میں کانگریس نے 42 نشستوں پر کامیابی حاصل کی تھی اور این سی پی نے 41 نشستیں حاصل کیں۔اتوار کی شام جاری ہونے والی اس فہرست میں کانگریس کے قانون ساز پارٹی کے رہنما کے سی پڈوی کا نام بھی ان امیدواروں میں شامل ہے . 4 اکتوبر سے قبل امیدواروں کو اپنے کاغذات نامزدگی داخل کرنے ہوں گے.