نئی دہلی: کانگریس نے نیشنل کرائم ریکارڈ بیورو (این سی آر بی) کے ذریعہ ملک میں ہجومی تشدد، مذہبی قتل اور صحافیوں پر حملے جیسے جرائم کے اعداد و شمار شائع نہیں کرنے پر حکومت کی نکتہ چینی کرتے ہوئے کہا ہے کہ اعداد و شمار چھپا کر وہ اپنی نااہلی کا مظاہرہ کر رہی ہے۔
MHA claimed data on lynchings, religious killings & attacks on journalists, etc. was missing from the NCRB report because it was "unreliable". Which begs the question, is this govt incapable of collecting reliable data or is this just a convenient way out? https://t.co/BjOQmtYWco
— Congress (@INCIndia) October 23, 2019
کانگریس نے آج اپنے آفیشیئل ٹوئٹر پر ٹوئٹ کیا ”وزارت داخلہ کا دعویٰ ہے کہ ہجومی تشدد کے ذریعہ قتل کرنے، مذہبی قتل اورصحافیوں پر حملے وغیرہ کے اعداد و شمار ’معتبر‘ نہیں ہیں اس لئے ان کو این سی آر بی کے اعداد و شمار میں شامل نہیں کیا گیا ہے۔ سوال یہ پیدا ہوتا ہے کہ کیا حکومت معتبر اعداد و شمار جمع کرنے کی صلاحیت نہیں رکھتی یا پھر یہ اس سے بچنے کا آسان طریقہ ہے۔“
اس کے ساتھ ہی ایک اخبار کی خبر کو بھی پوسٹ کیا گیا ہے جس میں کہا گیا ہے کہ وزارت داخلہ نے فسادات کے دوران عصمت دری، نفرت پھیلانے والے جرائم ’صحافیوں پر حملے‘ آر ٹی آئی کارکنوں پر حملے‘ گائے کے نام پر ہونے والے قتل جیسے 25 زمروں کے جرائم کے اعداد و شمار روک دیئے ہیں۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-