نئی دہلی3ستمبر(سیاست ڈاٹ کام )کانگریس جنرل سکریٹری پرینکا گاندھی وڈرا نے حکومت پر اقتصادی بحران کے حالات کو چھپانے کا الزام لگاتے ہوئے منگل کو کہا کہ اصلیت پر پردہ ڈالنے کے بجائے حکومت کو ا س سے نمٹنے کی کوشش کرنی چاہئے ۔پرینکا نے ٹویٹ کیاکہ ’’کسی جھوٹ کو سوبار کہنے سے جھوٹ سچ نہیں ہوجاتا۔بی جے پی حکومت کو یہ اعتراف کرنا چاہئے کی معیشت میں تاریخی بحران ہے اور انہیں اسے حل کرنے کے اقدامات کی طرف بڑھنا چاہئے‘‘ ۔انہوں نے کہا کہ ملک اقتصادی بحران کے دور سے گزر رہا ہے اور اس کی خبرسب کو ہے اس لئے میڈیا مینجمنٹ کے ذریعہ اسے چھپانے کی کوشش نہیں ہونی چاہئے ۔
Read More – یہ ایک سینڈیکیڈیڈ فیڈ ہے ادارہ میں اس میں کوئی ترمیم نہیں کی ہے. بشکریہ سیاست ڈاٹ کام-