مدھیہ پردیش بھارتیہ جنتا پارٹی (بی جے پی) کے سینئر لیڈر اور ممبر اسمبلی منوہر اوٹوال کا آج صبح دہلی کے ایک نجی ہسپتال میں انتقال ہو گیا۔ بی جے پی کے ریاستی میڈیا انچارج لوکیندر پراشر نے منوہر اوٹوال کے انتقال کی تصدیق کرتے ہوئے کہا ہے کہ آج علی الصبح انہوں آخری سانس لی۔ وہ ریاست کے آگر اسمبلی حلقہ سے ممبر اسمبلی تھے۔ انہیں برین ہیمریج کی وجہ سے اندور میں داخل کرایا گیا جہاں سے انہیں بہتر علاج کے لئے دہلی منتقل کردیا گیا تھا۔
प्रदेश के आगर के विधायक मनोहर उंटवाल के दुःखद निधन का समाचार प्राप्त हुआ।
वे पिछले कुछ समय से बीमार चल रहे थे।
परिवार के प्रति मेरी शोक संवेदनाएँ।
ईश्वर उन्हें अपने श्रीचरणो में स्थान व पीछे परिजनो को यह दुःख सहने की शक्ति प्रदान करे।— Office Of Kamal Nath (@OfficeOfKNath) January 30, 2020
مدھیہ پردیش کے وزیر اعلی کمل ناتھ نے بی جے پی کے سینئر لیڈر اور ممبر اسمبلی منوہر اوٹوال کے انتقال پر اظہار تعزیت کیا ہے۔ کمل ناتھ نے اپنے ٹوئٹ کے ذریعے اظہار تعزیت کرتے ہوئے کہا کہ ’’ریاست کے آگر ممبر اسمبلی منوہر اوٹوال کے انتقال کی خبر موصول ہوئی۔ وہ گزشتہ کچھ عرصے سے بیمار چل رہے تھے۔ ان کے اہل خانہ کے تیئں میرا اظہار تعزیت۔ ایشور انہیں اپنے شری چرنوں میں جگہ اور سوگوار کنبہ کو ہمت دے‘‘۔ سابق وزیراعلی شیوراج چوہان اور بی جے پی کے دیگر رہنماؤں نے بھی منوہر اوٹوال کے انتقال پر اظہار افسوس کیا ہے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو