پربھاس کی بہت منتظر فلم ‘سالار’ بالآخر باکس آفس پر ریلیز ہو گئی ہے۔ فلم نے ریلیز ہوتے ہی کئی بڑے ریکارڈ توڑ دیے ہیں۔ پربھاس کی فلم سالار نے باکس آفس پر طوفانی شروعات کی۔ آپ کو بتاتے چلیں کہ سالار نے پہلے دن باکس آفس پر 70 سے 80 کروڑ کے درمیان کا بزنس کیا۔
اب دیکھنا یہ ہے کہ باہوبلی اسٹار پربھاس کی فلم ویک اینڈ پر نئے ریکارڈ قائم کرتی ہے یا نہیں۔ پربھاس کی سالار کا باکس آفس پر مقابلہ شاہ رخ خان کی فلم ڈنکی سے ہے جو ایک دن پہلے ریلیز ہوئی تھی۔
سالار کی ہدایت کاری پرشانت نیل نے کی ہے۔ شائقین کوپربھاس کی اس فلم سے کافی توقعات وابستہ ہیں۔ ان کا ماننا ہے کہ سالار باہوبلی سیریز کے بعد اداکار کے کیریئر کی اگلی بلاک بسٹر فلم ہو سکتی ہے۔
ہم فلم میں پربھاس کے ایکشن اوتار کو دیکھنے کے لیے کافی عرصے سے پرجوش تھے۔ فلم میں پربھاس کے مقابل شروتی ہاسن مرکزی کردار میں نظر آئیں گی۔ اس کے ساتھ فلم میں پرتھوی راج سوکمارن، جگپتی بابو اور ٹینو آنند جیسے معروف ستارے ہیں۔ یہ شروتی اور پربھاس کی ایک ساتھ پہلی فلم ہے۔