حلف برداری کے بعد رام لیلا میدان سے اروند کیجریوال کا خطاب
حلف برداری کے بعد دہلی کے وزیر اعلیٰ اروند کیجروال رام لیلا میدان میں موجود ہزاروں کے مجمع سے خطاب کر رہے ہیں۔ خطاب کا آغاز انہوں نے دہلی کے باشندگان کا شکریہ ادا کر کے کیا۔ انہوں نے کہا، ’’انتخابات کے دوان کسی نے بی جے پی کو ووٹ دیا، کسی نے کانگریس کو ووٹ دیا اور کسی نے کسی دوسری پارٹی کو ووٹ دیا لیکن اب میں سبھی کا وزیر اعلیٰ ہوں اور کسی کے ساتھ تفریق نہوں کروں گا۔‘‘ انہوں نے کہا کہ اب انتخاب ختم ہو چکا ہے اور اب دہلی کے 2 کروڑ لوگ میرا خاندان ہے۔ نیز میں ہر مذہب، ہر طبقہ اور ہر امیر و غریب کے لئے کام کروں گا۔
دہلی کے وزیر اعلیٰ کے طور پر کیجریوال کی تیسری بار حلف برداری
عام آدمی پارٹی کے کنوینر اروند کیجریوال نے تیسری مرتبہ دہلی کے وزیر اعلیٰ طور پر حلف اٹھا لیا ہے۔ ان کے ساتھ 6 وزرا نے وزیر کے طور پر حلف لیا۔
मै अरविंद केजरीवाल ईश्वर की शपथ लेता हूँ… pic.twitter.com/KWbNddwQ2T
— AAP (@AamAadmiParty) February 16, 2020
کیجریوال کے بعد منیش سسودیا نے حلف لیا اور اس کے بعد ستیندر جین اور گوپال رائے نے حلف لیا۔ گوپال رائے نے شہیدوں کے نام سے حلف لیا۔ اس کے علاوہ کیلاش گہلوت اور عمران حسین نے حلف لیا۔ عمران حسین نے اللہ کے نام پر حلف اٹھایا۔
سب سے آخر میں راجیندر پال گوتم نے وزیر کے طور پر حلف لیا۔ رام لیلا میدان پر وزیر اعلی اور 6 وزرا کی حلف برداری کے بعد قومی ترانہ پیش کیا گیا۔
کیجریوال کی وزیر اعلیٰ دہلی کے طور پر حلف برداری کچھ دیر میں
اروند کیجریوال کچھ ہی دیر میں اپنی کابینہ کے ساتھ بطور وزیر اعلیٰ دہلی حلف لینے جا رہے ہیں۔ کیجریوال حلف برداری کے لئے رام لیلا میدان پہنچ گئے ہیں جہاں ہزاروں کی تعداد میں عآپ کارکنان اور عام لوگ موجود ہیں۔
رام لیلا میدان پر سخت حفاظتی انتظامات
کیجریوال کی بطور وزیر اعلیٰ دہلی رام لیلا میدان پر 12.15 بجے حلف برداری ہونی ہے اور اس کے لئے سخت حفاظتی انتظامات کیے گئے ہیں۔ عام آدمی گیٹ نمبر 4، 5، 6، 7، 8 اور 9 سے رام لیلا میدان میں داخل ہو سکیں گے۔ سیکیورٹی کے لحاظ سے میدان اور اس کے ارد گرد 5 ہزار کے قریب پولیس اہلکار تعینات رہیں گے۔ اس کے علاوہ سرگرمیوں کی نگرانی کے لئے 125 سی سی ٹی وی کیمرے اور 12 ایل ای ڈی اسکرینیں لگائی گئی ہیں۔ میدان میں 45،000 افراد کے بیٹھنے کے انتظامات کیے گئے ہیں۔
دہلی پولیس نے ٹریفک اور سیکیورٹی کے خصوصی بندوبست کیے ہیں جوکہ صبح 8 بجے سے دوپہر 2 بجے تک جاری رہیں گے۔ بسوں کی عمومی پارکنگ کے لئے ماتا سندری روڈ پاور ہاؤس، سیوک سینٹر کے اندر اور پچھلے حصے میں پارکنگ کی سہولت فراہم کی گئی ہے۔ اسی طرح، ویلوڈرووم روڈ، راج گھاٹ پارکنگ، شانتی ون پارکنگ راج گھاٹ اور سمتا استھل کے سروس روڈ پر بسیں کھڑی کی جاسکتی ہیں۔
دہلی کے عوام عآپ کے کاموں سے خوش ہیں: سسودیا
دہلی میں کابینہ کو دوہرانے کے سوال پر منیش سسودیا نے کہا کہ اگر کیجریوال اپنی کابینہ کو دوہرانا چاہتے ہیں تو اس میں کوئی حرج نہیں ہے کہ کیوں کہ کابینہ کے کاموں سے عام خوش ہیں اور کاموں کی بنیاد پر ہی ہم انتخابات جیتے ہیں۔ انہوں نے کہا کہ ہم لوگوں کا دل جیتنے اور ان کا اعتماد برقرار رکھنے کا کام جاری رکھیں گے۔
Manish Sisodia, AAP: There is nothing wrong if Arvind Kejriwal ji thinks that the same cabinet should be repeated. People are happy with the work of the cabinet and we won the elections on basis of our work. We will continue to build and maintain the confidence of the people. pic.twitter.com/7a1HKGgqI4
— ANI (@ANI) February 16, 2020
حلف برداری سے قبل کیجریوال کی اپیل ’بیٹے کو آشیرواد دینے ضرور آنا‘
رام لیلا میدان میں اپنی تیسری حلف برداری سے قبل اروند کیجریوال نے دہلی کے عوام سے شرکت کی اپیل کی ہے۔ انہوں نے اپنے ٹوئٹ میں لکھا، ’’آج تیسری بار دہلی کے سی ایم کا حلف لوں گا۔ اپنے بیٹے کو آشیرواد دینے رام لیلا میدان ضرور آئیے گا۔‘‘
کیجریوال کے ہمراہ ان کے 6 وزراء بھی حلف اٹھائیں گے۔
आज तीसरी बार दिल्ली के CM की शपथ लूंगा। अपने बेटे को आशीर्वाद देने रामलीला मैदान जरूर आइएगा।pic.twitter.com/98k4WHTOYB
— Arvind Kejriwal (@ArvindKejriwal) February 16, 2020
#WATCH Delhi: An Aam Aadmi Party fan Uday Veer arrives at Ramlila Maidan for Chief Minister-designate Arvind Kejriwal's swearing-in ceremony. pic.twitter.com/X3Ox5NTf2j
— ANI (@ANI) February 16, 2020
Delhi: A banner seen at Ramlila Ground where preparations are underway for the swearing-in ceremony of Chief Minister-designate Arvind Kejriwal https://t.co/PoxqhcX6Zv pic.twitter.com/s7gqnQP284
— ANI (@ANI) February 16, 2020
کیجریوال کی آج دہلی کے وزیر اعلیٰ کے طور پر حلف برداری
عام آدمی پارٹی (عآپ) کے قومی کنوینر اروند کیجریوال آج مسلسل تیسری مرتبہ دہلی کے وزیر اعلی کی حیثیت سے حلف لینے جا رہے ہیں۔ بھاری اکثریت کے ساتھ دہلی حکومت میں واپسی کرنے والی عام آدمی پارٹی کو توقع ہے کہ رام لیلا میدان میں منعقدہ تقریب حلف برداری میں تقریباً ایک لاکھ افراد شرکت کریں گے۔ کیجریوال دن کے 12.15 حلف لیں گے۔ ان کے ساتھ کابینی وزیر بھی حلف لیں گے۔
Delhi: Preparations underway for the swearing-in ceremony of Chief Minister-designate Arvind Kejriwal at Ramlila Ground. He will take oath as CM for the third time today. pic.twitter.com/QbyMhGkBwZ
— ANI (@ANI) February 16, 2020
وزیر اعلی نے وزیر اعظم نریندر مودی، دہلی کے ساتوں اراکین پارلیمنٹ، بی جے پی کے نو منتخب ممبران اسمبلی اور تمام میونسپل کونسلرز کو بھی مدعو کیا ہے۔ انتخابی نتائج کے روز عآپ دفتر کے احاطے میں اپنے والد کے ساتھ کیجریوال کے پرانے گیٹ اپ میں پہنچنے والے ایک سالہ ’چھوٹو مفلر مین‘ اویان تومر کو خصوصی طور پر مدعو کیا گیا ہے۔ اس کے علاوہ دہلی کی حکمرانی میں تعاون کرنے والے مختلف شعبوں کے 50 نمائندوں کو بھی مدعو کیا گیا ہے۔ وہ سبھی نئی کابینہ کے ساتھ اسٹیج کا اشتراک کریں گے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو