کانپور.تین طلاق پر قانون بن جانے کے بعد بھی ایسے معاملات سامنے آرہے ہیں ۔ کانپور میں ایک نوجوان نے دوسری شادی کرنے کیلئے اپنی پہلی بیوی کو فون پر تین طلاق دیدیا ، جس کے بعد متاثرہ انصاف کیلئے افسران کے چکر کاٹ رہی ہے ۔دراصل متاثرہ کی شادی 8 مہینے پہلے ہی ہوئی تھی اور وہ پانچ ماہ کی حاملہ بھی ہے۔ آپ کو بتادیں کہ پنکی علاقہ میں رہنے والی لڑکی کی شادی بابوپوروا میں رہنے والے شارق کے ساتھ ہوئی تھی ۔ متاثرہ کے مطابق شادی کے کچھ دنوں بعد ہی شارق اس کو پریشان کرنے لگا ۔ گھر میں دوسری خاتون کو لے کر آنے کی جب اس نے مخالفت کی تو اس کو گھر سے نکال دیا گیا ۔
مائیکہ میں رہ رہی متاثرہ کو شارق نے فون پر تین طلاق دے کر خود کی زندگی سے دور کرنے کی بات کہی ، جس کے بعد متاثرہ انصاف کیلئے افسران کے چکر کاٹ رہی ہے۔ وہیں پولیس افسران کا کہنا ہے کہ خاتون کی گئی تحریر کی بنیاد پر آگے کی کارروائی کی جائے گی ۔