امریکی یونیورسٹی کے ماہرین کا کہنا ہےکہ دھنیے میں موجود ایک اہم مرکب مرگی کے مریضوں میں دورے کی شدت اور تعداد میں کمی کر سکتا ہے۔ تحقیق سے پتہ چلا ہے کہ مرگی کی کے دوران پڑنے والے جھٹکوں میں کے سی این کیو پوٹاشیئم چینلوں کا کردار اہم ہوتا ہے۔ اسی کو دیکھتے ہوئے ماہرین نے مزید تحقیق جاری رکھی اور بالٓاخر ایک اہم مالیکیول دریافت کر لیا۔
محققین نے کہا کہ انھوں نے دھنیے میں ’ڈوڈیسینل‘ نامی مرکب دریافت کیا ہے جو پوٹاشیئم چینل کے مخصوص حصوں سے چپک جاتا ہے اور انہیں کھولنے میں مدد دیتا ہے، ان کے مطابق یہ دراصل وہ مرکب ہے جو مرگی کے دورے روکنے میں اہم کردار ادا کرتا ہے۔
اس تحقیق سے مرگی کے علاج میں پیش رفت ہونے کا امکان روشن ہوا ہے،اس سے نہ صرف مرگی کے دوروں کو روکنے والی دوائیں بنانے میں مدد ملے گی بلکہ مزید تجربات کی روشنی میں مزید اہم دریافت بھی متوقع ہیں۔
یہ ایک سینڈیکیڈیڈ فیڈ ہے. جس میں ادارہ نے کوئی ترمیم نہیں کی ہے. بشکریہ سچ نیوز پاکستان – اصل لنک