جانوروں کے تحفظ کے لیے شہریوں کی آواز بلند
23 اگست کو اپون تالاب، تھانے میں احتجاجی جلسہ عام
تھانے (آفتاب شیخ)
سڑک کے کتوں کے حق میں جانوروں سے محبت کرنے والی تنظیموں اور شہریوں نے ایک پرامن احتجاجی اجلاس منعقد کرنے کا اعلان کیا ہے۔ یہ اجلاس سٹیزن فار اینیمل پروٹیکشن (سی اے پی) فاؤنڈیشن اور ڈاگ منتر کی پہل پر ہفتہ 23 اگست کو صبح 10:30 بجے اپوان تالاو ایمفی تھیٹر، تھانے (ڈبلیو) کے قریب ہوگا۔ اس پروگرام میں سینکڑوں جانوروں کے ہمدرد شہری شامل ہونے کی توقع ہے۔
سپریم کورٹ کی جانب سے سڑک کے کتوں کو لے جانے کے سلسلے میں دیے گئے متنازع حکم پر اگرچہ جمعہ کو عارضی روک لگا دی گئی ہے، تاہم جانوروں سے محبت کرنے والے شہریوں میں تشویش برقرار ہے کہ جو کتوں کو منتقل کیا گیا ہے، انہیں واپس لایا جائے گا یا نہیں۔ ملک بھر میں اس فیصلے کی مخالفت زور پکڑ رہی ہے اور عدالت سے فوری اور شفاف فیصلے کا مطالبہ کیا جا رہا ہے۔
منتظمین نے بتایا کہ اس اجلاس کا مقصد جانوروں کے خلاف غیر انسانی رویوں کی مخالفت کرنا، معاشرے میں بیداری پیدا کرنا اور ویکسینیشن، نس بندی و عوامی بیداری جیسے پائیدار حل پر زور دینا ہے۔
اجلاس میں شریک افراد انسانیت، ہمدردی اور انصاف کے حق میں اپنی آواز بلند کریں گے۔
یہ احتجاجی پروگرام سٹیزن فار اینیمل پروٹیکشن (CAP) فاؤنڈیشن اور ڈاگ منتر کے اشتراک سے منعقد کیا جا رہا ہے۔