نئی دہلی: مرکزی جانچ بیور (سی بی آئی) نے بچوں کے ساتھ آن لائن طریقہ سے ہونے والی جنسی زیادتی پر قدغن لگانے کے مقصد سے ایک خصوصی یونٹ تشکیل دی ہے۔
سی بی آئی کی جانب سے جمعہ کو جاری بیان میں کہا گیا کہ پور ے ملک میں بچوں کے خلاف بڑھتے جنسی جرائم کو روکنے کے لیے یہاں ہیڈکوارٹر میں بچوں کے ساتھ ہونے والی آن لائن جنسی زیادتی اور استحصال کی روک تھام کے لیے سی بی آئی کی اسپیشل کرائم زون کے تحت تفتیش کار یونٹ تشکیل گئی ہے۔
سی بی آئی کی یہ اسپیشل یونٹ نہ صرف ان افراد سے متعلق خفیہ معلومات اکٹھا کرے گی جو انٹرنیٹ پر ایسے ڈاٹابنا رہےہیں اور تشہیر کر رہے ہیں بلکہ ان افراد کی بھی معلومات یکجا کرے گی جو ایسے ڈاٹا کو انٹرنیٹ پر براؤز اور ڈاؤن لوڈ کر رہے ہیں۔
ایجنسی نے انٹرنیٹ پر مسلسل بچوں سے متعلق قابل اعتراض پورنو گرافی کے بڑھتے خطرے سے نمٹنے کے لیے اس یونٹ کو تشکیل دی ہے۔ اس کے تحت انٹرنیٹ پر بچوں کی جنسی زیادتی کے لیے تشہیر یا اس سے متعلق دیگر معلومات کو شیئر کرنے یا کسی کو بھیجنے والوں کے خلاف تعذیرات ہند، جنسی جرائم سے بچوں کی حفاظت (پاکسو) ایکٹ اور انفارمیشن ٹیکنالوجی ایکٹ کے تحت مجرموں کے خلاف معاملہ درج کیا جائے گا۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-