برطانیہ میں ’برینڈن‘ طوفان سے زبردست تباہی
لندن: برطانیہ میں’برینڈن‘ نامی سمندری نے تباہی مچا دی ہے۔ آئرلینڈ اور اسکاٹ لینڈ میں بھی تیز آندھی اور سیلاب سے فیری سروس بھی معطل کر دی گئی۔ اطلاعات کے مطابق برطانیہ کے مختلف علاقوں میں سمندری طوفان برینڈن کی تباہ کاریاں جاری ہیں۔ اسکاٹ لینڈ میں سمندر میں لہریں 25 فٹ تک بلند ہو رہی ہیں۔ 131 کلو میٹر فی گھنٹہ کی رفتار سے چلنے والی طوفانی ہواؤں کی وجہ سے درخت اکھڑ گئے، گھروں کی چھتیں اڑ گئیں اور پروازیں منسوخ کرنا پڑیں۔ اس صورتحال کے پیش نظر آئرلینڈ اور اسکاٹ لینڈ میں اسکول بند کردیئے گئے، فیری سروس بھی متاثر ہوئی ہے، جبکہ ٹرینوں کا شیڈول بھی متاثر ہوا ہے۔ امدادی کارکنوں نے متاثرہ علاقوں میں ریسکیو آپریشنز کا آغاز کر دیا۔
(یو این آئی)
اڈیشہ: کٹک میں ٹرین حادثہ کا شکار، لوک مانیہ تلک ایکسپریس پٹری سے اتری، 40 مسافر زخمی
اڈیشہ کے کٹک میں ممبئی-بھونیشور لوک مانیہ تلک ایکسپریس پٹری سے اتر گئی۔ جانکاری کے مطابق ٹرین کے 8 ڈبے پٹری سے اتر گئے جس کی وجہ سے کم از کم 40 مسافروں کے زخمی ہونے کی اطلاع موصول ہوئی ہے۔ فی الحال کسی ہلاکت کی اطلاع نہیں ہے۔ زخمیوں کے قریب کے اسپتالوں میں علاج کے لیے داخل کرایا گیا ہے۔
#UPDATE Chief Public Relation Officer (CPRO), East Coast Railway: 20 people injured after eight coaches of Lokmanya Tilak Express derail near Salagaon. No casualty reported till now. #Odisha https://t.co/JqaXdhzHTN
— ANI (@ANI) January 16, 2020
دہلی میں ٹھنڈ بڑھی، کئی مقامات پر ہلکی بارش
دہلی اور اس کے آس پاس کے کئی علاقوں میں آج علی الصبح ہلکی بارش ہوئی جس کے سبب ٹھنڈ میں مزید اضافہ ہو گیا ہے۔ صبح کے وقت کئی مقامات پر کہرے بھی دیکھنے کو ملے جس کی وجہ سے لوگوں کو گاڑی چلانے میں کچھ پریشانی کا سامنا کرنا پڑا۔ فٹ پاتھ پر زندگی گزارنے والوں کو سب سے زیادہ پریشانی ہوئی جنھیں سردی سے بچنے کے لیے آگ کا سہارا لینا پڑا۔
Weather change in Delhi; parts of the national capital receive light showers. Visuals from Krishi Bhawan. pic.twitter.com/TnnmJSWwup
— ANI (@ANI) January 16, 2020
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو