اہم خَبر: ایودھیا معاملہ پر سپریم کورٹ کا بڑا فیصلہ، ثالثی ختم، روزانہ ہوگی سماعت

by

ایودھیا معاملہ پر سپریم کورٹ کا بڑا فیصلہ، ثالثی ختم، روزانہ ہوگی سماعت

سپریم کورٹ نے بابری مسجد اور رام مندر معاملہ پر ایک بڑا فیصلہ سناتے ہوئے آج کہہ دیا کہ اس تنازعہ کا حل نکالنے میں ثالثی کا عمل اختیار نہیں کیا جائے گا۔ ساتھ ہی یہ بھی فیصلہ کیا گیا کہ اس معاملے کی سماعت عدالت میں اب روزانہ کی جائے گی۔ چیف جسٹس رنجن گوگوئی نے فیصلہ سناتے ہوئے واضح کیا کہ ثالثی پینل نے حتمی نتیجہ اخذ کرنے کی سمت میں کوئی پیش رفت نہیں کیا اس لیے ثالثی کا عمل اب آگے نہیں بڑھے گا۔ ساتھ ہی چیف جسٹس نے 6 اگست سے ایودھیا کیس روزانہ سماعت کرنے کا حکم صادر کر دیا۔

پرینکا گاندھی نے اناؤ متاثرہ کے حق میں لڑائی لڑنے والے پارٹی کارکنان کو کہا ’شکریہ‘

کانگریس جنرل سکریٹری پرینکا گاندھی نے آج ایک ٹوئٹ میں لکھا ہے کہ ’’سپریم کورٹ کا فیصلہ اتر پردیش میں پھیلے جنگل راج اور حکومت کی ناکامی پر ایک مہر ہے۔ اب جا کر بی جے پی نے مانا کہ انھوں نے ایک مجرم کو تحفظ دے رکھا تھا اور اسے پارٹی سے نکال کر اپنی غلطی کو سدھارنے کے لیے کم از کم ایک قدم اٹھایا۔‘‘ اس کے ساتھ ہی انھوں نے ایک دیگر ٹوئٹ میں پارٹی کارکنان کا شکریہ ادا کیا ہے۔ انھوں نے لکھا کہ ’’اناؤ کی بیٹی کو انصاف دلانے کے لیے لڑائی لڑ رہے تمام کانگریس کارکنان اور شہریوں کا شکریہ۔‘‘

سپریم کورٹ نے اناؤ واقعہ کی شکار لڑکی کے چچا کو تہاڑ جیل منتقل کرنے کا سنایا حکم

اناؤ عصمت دری واقعہ کی شکار لڑکی کے چچا اس وقت رائے بریلی کی جیل میں ہیں اور سپریم کورٹ نے حکم دیا ہے کہ انھیں فوراً تہاڑ جیل منتقل کیا جائے۔ بتایا جاتا ہے کہ یہ حکم اس لیے سنایا گیا ہے تاکہ رائے بریلی کی جیل میں عصمت دری متاثرہ کے چچا کو کسی خطرہ کے خدشہ کو ختم کیا جا سکے۔

رویش کمار ’رمن میگسیسے ایوارڈ‘ سے سرفراز، 12 سال بعد کسی ہندوستانی صحافی کو ملا یہ اعزاز

ہندی صحافت کے مشہور و معروف نام رویش کمار کو 2019 کے ’رمن میگسیسے ایوارڈ‘ سے نوازا گیا ہے۔ صحافی طبقہ کے لیے انتہائی اہم یہ ایوارڈ 12 سال بعد کسی ہندوستانی صحافی کو ملا ہے۔ رویش کمار اپنی ایک الگ اور بے باک و بے خوف صحافت کے لیے مشہور ہیں اور وہ سماجی ایشوز کو لگاتار اٹھاتے رہتے ہیں۔ این ڈی ٹی وی میں پرائم ٹائم میں ان کا شو کافی مقبول ہے۔


اہم خبر: ایودھیا تنازعہ سے متعلق ثالثی رپورٹ پر سپریم کورٹ میں سماعت آج

بابری مسجد اور رام مندر تنازعہ سے متعلق سپریم کورٹ میں آج ایک انتہائی اہم سماعت ہونے والی ہے۔ دراصل سپریم کورٹ نے سمجھوتہ کے لیے جو ثالثی پینل تیار کیا ہے، اس کی اب تک کی کارروائی پر پیش کردہ رپورٹ کی روشنی میں یہ فیصلہ کرے گی کہ ثالثی کا یہ عمل جاری رکھا جائے پیا پھر اسے بند کر دیا جائے۔ ثالثی کا عمل بند ہونے کی صورت میں عدالت عظمیٰ ایودھیا کیس پر روزانہ سماعت کرنے کا فیصلہ لے سکتی ہے تاکہ جلد کوئی فیصلہ سنایا جا سکے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading