چنڈی گڑھ: کار سے کار ٹکرائی تو لڑکی نے شخص پر کر دیا حملہ
چنڈی گڑھ کے ٹریبیون چوک کے پاس ایک لڑکی نے ایک شخص پر حملہ کر دیا۔ دراصل لڑکی کی کار اس شخص کی کار سے ٹکرا گئی تھی۔ اسی پر ناراض ہو کر لڑکی نے یہ حملہ کر دیا۔ پولس نے اس معاملے میں کیس درج کر لیا ہے اور لڑکی کو بھی گرفتار کر لیا ہے۔ یہ واقعہ 25 جون کا بتایا جا رہا ہے۔
#WATCH Chandigarh: A girl attacks a man with a rod near Tribune Chowk after their cars rammed into each other. She was later arrested & produced before a court after a case was registered against her under multiple sections of the IPC. (Note: Abusive language) (25.06.2019) pic.twitter.com/x0lJBDImf7
— ANI (@ANI) June 26, 2019
بہار: ڈاکٹروں کا کارنامہ، فیضان کے بائیں ہاتھ میں تھا فریکچر، دائیں میں لگا دیا پلاسٹر
بہار کے دربھنگہ میڈیکل کالج اینڈ ہاسپیٹل میں ایک عجیب و غریب معاملہ پیش آیا ہے۔ یہاں ڈاکٹروں نے فیضان نام کے بچے کے بائیں ہاتھ کے فریکچر کا علاج کرتے ہوئے دائیں ہاتھ میں پلاسٹر لگا دیا۔ فیضان کی ماں کا کہنا ہے کہ فیضان کے علاج میں لاپروائی کی گئی اور اسے اسپتال میں ایک گولی تک نہیں دی گئی اور روانہ کر دیا گیا۔ انھوں نے ڈاکٹروں پر لاپروائی کا الزام عائد کیا اور کہا کہ اس معاملے میں کارروائی کی جانی چاہیے۔
Dr Raj Ranjan Prasad, Superintendent: Health Minister has asked me to investigate the matter and seek clarification from the concerned team regarding this negligence. I condemn this incident&I am trying to fix the issue. People involved in the incident will be punished. (June 25) pic.twitter.com/xxx8uFT42c
— ANI (@ANI) June 26, 2019
آسام: این آر سی کی نئی فہرست جاری، ایک لاکھ سے زائد لوگوں کا نام باہر
آسام حکومت نے این آر سی کی نئی فہرست جاری کر دی ہے۔ اس نئی فہرست میں 102462 لوگوں کے نام شامل ہیں جنھیں اب اپنی شہریت ثابت کرنے کے لیے دعوے داخل کرنے ہیں۔ این آر سی افسران نے کہا کہ اضافی فہرست میں صرف ان لوگوں کے نام ہیں جو 30 جولائی، 2018 کو شائع مکمل مسودہ این آر سی میں شامل ہیں، لیکن بعد میں نااہل پائے گئے۔
Assam: Additional #NRC Draft Exclusion list published consisting of 1,02,462 persons.
— All India Radio News (@airnewsalerts) June 26, 2019
حوثی باغیوں کا سعودی عرب پر ایک اور حملہ
صنعا: یمن کے ایران نواز حوثی باغیوں نے سعودی عرب پر ایک اور ڈرون حملہ کیا ہے۔ سعودی عرب کے حکام نے حملہ میں کسی قسم کے جانی یا مالی نقصان کی اطلاع نہیں دی۔ غیر ملکی خبررساں ایجنسی کے مطابق سعودی ایئر ڈیفنس نے خمیس مشیط کی طرف آنے والے ڈرون کو مار گرایا، خمیس مشیط میں سعودی عرب کا اہم فضائی اڈہ بھی واقع ہے۔
واضح رہے کہ اتوار کو ابہا ایئر پورٹ پر بھی حملہ کیا گیا تھا جس میں ایک شامی شہری جاں بحق اور 21 افراد زخمی ہوگئے تھے۔
اتر پردیش: لالا لاجپت رائے میڈیکل کالج میں ڈاکٹروں نے مردے کا 10 بار کیا ایکسرے، دو ڈاکٹر برخاست
اتر پردیش واقع میرٹھ کے لالا لاجپت رائے میڈیکل کالج میں ایک مردے کا ڈاکٹروں نے 10 بار ایکسرے کیا۔ معاملہ سامنے آنے کے بعد دو ڈاکٹروں کو برخاست کر دیا گیا ہے۔ ساتھ ہی معاملے میں کیزوئلٹی میڈیکل افسر، جونیئر ڈاکٹروں اور اسٹاف سمیت 11 لوگوں سے جواب طلب کیا گیا ہے۔
واقعہ 20 جون کا ہے جب سڑک حادثہ میں زخمی ایک رکشہ ڈرائیور کو میڈیکل کالج اسپتال میں داخل کرایا گیا تھا۔ علاج کے دوران اسپتال میں اس کی موت ہو گئی تھی۔ بغیر کسی سینئر کی اجازت کے رکشہ ڈرائیور کی لاش کا ایک دو بار نہیں بلکہ 10 بار ایکسرے ڈاکٹروں نے کیا۔ جب اس بات کا انکشاف ہوا تو افرا تفری پھیل گئی۔ معاملے کی پوری جانچ کی جا رہی ہے۔
Meerut: Doctors at Lala Lajpat Rai Memorial Medical College performed 10 X-rays on a body on June 20. Dheeraj Baliyan, CMS, says, "All the doctors who were on duty have been asked to give an explanation. Two junior doctors have been suspended." pic.twitter.com/oHcVBfVkFa
— ANI UP (@ANINewsUP) June 25, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-