مجرم اکشے کی نظرثانی عرضی کے خلاف نربھیا کی ماں سپریم کورٹ پہنچی
نئی دہلی: دہلی میں 2012 کے اجتماعی آبروریزی کی متاثرہ نربھیا کی ماں آشا دیوی نے کیس کے ایک مجرم اکشے کمار سنگھ کی نظر ثانی کی درخواست کے خلاف سپریم کورٹ میں مداخلت کی عرضی دی ہے۔ متاثرہ کی ماں کی طرف سے پیش ہوئے وکیل نے چیف جسٹس ایس اے بوبڈے کی صدارت والی ایک بنچ کے سامنے اس معاملے کا خصوصی ذکر کیا اور اس کیس کے ایک مجرم اکشے کی نظر ثانی درخواست کی مخالفت کی۔
عدالت عظمی نے ان کی درخواست منظور کر لی اور معاملے کی سماعت کے لئے 17 دسمبر کی تاریخ مقرر کی۔ عدالت نے گزشتہ برس نو جولائی کو تین دیگر قصورواروں پون، ونے اور مکیش کی نظر ثانی کی عرضیاں یہ کہتے ہوئے مسترد کر دی تھیں کہ سال 2017 کی سزا پر نظر ثانی کرنے کی کوئی بنیاد نہیں ہے۔
معیشت کی بدحالی کو لے کر پرینکا کا وزیر اعظم پر حملہ
کانگریس کی جنرل سکریٹری پرینکا گاندھی نے جمعہ کے روز حکمران بھارتیہ جنتا پارٹی (بی جے پی) کو اس کی معاشی پالیسیوں کے بارے میں سوال کیا۔ پرینکا نے ٹویٹ کیا، ’’افراط زر گزشتہ تین سالوں میں بلند ترین سطح پر پہنچ گئی ہے۔ عام لوگوں کو روز مرہ کی زندگی میں استعمال ہونے والے سامان خریدنے میں مشکلات کا سامنا کرنا پڑتا ہے۔‘‘
انہوں نے مزید کہا ، ’’بی جے پی کے طریق کار کے سبب آنے والی سست روی کی وجہ سے آمدنی صفر ہو گئی ہے لیکن ملک کے وزیر اعظم اس پر خاموش ہیں۔‘‘
महंगाई पिछले तीन साल में उच्चतम स्तर पर पहुँच गई है।रोज के इस्तेमाल का सामान लेने में ही आम लोगों की जेबों पर कैंची चल रही है। भाजपा की कुनीतियों के चलते आई मंदी की वजह से आमदनी जीरो है।
लेकिन देश के प्रधानमंत्री इस पर मौन हैं।https://t.co/8Q4aleClWH
— Priyanka Gandhi Vadra (@priyankagandhi) December 13, 2019
نربھیا کیس، حکم نامہ سزائے موت پر دستخط کا معاملہ 18 دسمبر تک ملتوی
دہلی میں عصمت دری کے بعد بے دردی سے قتل کی گئی نربھیا معاملہ میں قصورواروں کی سزائے موت فی الحال ٹال دی گئی ہے۔ آج دہلی کی پٹیالہ ہاؤس عدالت میں قصورواروں کی سزائے موت کے حکم نامہ (ڈیتھ وارنٹ) پر دستخط کئے جانے تھے لیکن جج نے معاملہ کی سپریم کورٹ میں سماعت کے پیش نظر اس کے لئے 18 دسمبر کی تئی تاریخ مقرر کر دی۔
حکم نامہ سزائے موت پر دستخط کرنے والے جج نے کہا، ’’مجھے اطلاع موصول ہوئی ہے کہ اکشے کی ریویو پٹیشن سپریم کورٹ میں قبول کر لی گئی ہے لہذا معاملہ کو ملتوی کیا جاتا ہے۔ اس اس معاملہ کی سماعت 18 دسمبر کو ہوگی۔‘‘
Asha Devi, mother of 2012 Delhi gang-rape victim: When we have fought for 7 years, we can wait for another week. On 18 December, their (convicts in the case) death warrant will be issued. https://t.co/M3BSNvIw6g pic.twitter.com/BZB2hnJeh4
— ANI (@ANI) December 13, 2019
ادھر، متاثرہ کی والدہ آشا دیوی نے اس پر رد عمل ظاہر کرتے ہوئے کہا کہ جب ہم 7 سال سے لڑائی لڑ رہے ہیں تو ہم ایک اور ہفتہ انتظار کر سکتے ہیں۔
قبل ازیں، پٹیالہ ہاؤس عدالت میں سماعت کے دوران نربھیا کے وکیل نے کہا کہ پھانسی کی تاریخ طے کی جانی چاہئے اور رحم کی درخواست کا ڈیتھ وارنٹ جاری ہونے سے کوئی تعلق نہیں ہے۔ اس پر عدالت نے کہا کہ سپریم کورٹ کا فیصلہ پہلے آنے دیں، تب ہی اس پر سماعت کی جائے گی۔
دریں اثنا، جج نے مجرموں کے وکیل اے پی سنگھ کی سرزنش کی۔ عدالت نے کہا کہ آپ اس کیس کے دوران عدالت میں موجود نہیں رہے، آپ کی وجہ سے اس معاملے میں فیصلہ آنے میں تاخیر ہو رہی ہے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-