عید کے موقع پر کھولا جائے گا اجمیر درگاہ میں موجود جنّتی دروازہ
اجمیر: اجمیر میں خواجہ معین الدین حسن چشتی کی درگاہ پر روایت کے مطابق چاند نظر آنے کے ساتھ ہی جنتی دروازہ کھولا جائے گا۔ اگر 4 جون کو عید کے چاند کی شہادت ملتی ہے تو پانچ جون کی صبح عقیدت مندوں کے لئے دروازہ کھول دیا جائے گا۔ جنتی دروازہ دوپہر تک کھلا رہے گا اور ظہر کی نماز کے بعد اسے بند کردیا جائے گا۔ اگر چاند پانچ جون کو دکھائی دیتا ہے تو دروازہ 6 جون کی صبح کھولا جائے گا۔ چاند کی شہادت کے لئے درگاہ کمیٹی کے تحت کام کرنے والی ہلال کمیٹی کی شہر قاضی کی نمائندگی میں مختلف میٹنگیں ہوں گے جو چاند نظر آنے کی خبروں کی تصدیق کے بعد چاند کا اعلان کریں گی۔
نتیش نے کی بہار کابینہ میں توسیع، ایک بھی بی جے پی لیڈر شامل نہیں
لوک سبھا انتخاب کے نتائج اور مودی حکومت کی حلف برداری کے بعد سے ہی بہار این ڈی اے میں شگاف نظر آنے لگا ہے۔ تازہ مثال نتیش کابینہ کی توسیع میں دیکھنے کو ملا جہاں بی جے پی لیڈروں کو ٹھینگا دکھاتے ہوئے صرف جنتا دل یو کے 8 لیڈروں نے وزارتی عہدہ کا حلف لیا۔ اتوار کو نتیش کابینہ کی توسیع ہوئی اور جنا دل یو کے 8 اراکین اسمبلی نے عہدہ اور رازداری کا حلف لیا۔ جن اراکین اسمبلی نے آج حلف لیا ان کے نام ہیں اشوک چودھری، شیام رجک، ایل پرساد، بیما بھارتی، رام سیوک سنگھ، سنجے جھا، نیرج کمار اور نریندر نرائن یادو۔
Bihar cabinet expansion: JDU leaders Ashok Choudhary, Shyam Rajak, L Prasad, Beema Bharti, Ram Sevak Singh, Sanjay Jha, Neeraj Kumar and Narendra Narayan Yadav took oath as ministers today https://t.co/WiJXIKKDM8
— ANI (@ANI) June 2, 2019
بہار: موٹر سائیکل سوار کو ٹرک نے ماری ٹکر، زخمی حالت میں بیوی کو کیا ویڈیو کال اور توڑ دیا دَم
بہار کے بیگوسرائے میں ایک دردناک واقعہ پیش آیا جس میں ایک موٹر سائیکل سوار کی موت ہو گئی۔ ایک ٹرک نے موٹر سائیکل پر سوار راجہ رام پنڈت کو زبردست ٹکر مار دی جو کہ اپنے سالے کے شرادھ میں شریک ہونے سسرال جا رہا تھا۔ بتایا جاتا ہے کہ قومی شاہراہ 28 پر کان میں ائیر فون لگا کر راجہ رام تیز رفتار کے ساتھ جا رہا تھا تبھی ٹرک نے اسے ایسی ٹکر ماری کہ ایک پیر کٹ گیا اور دوسرا بھی ٹوٹ گیا۔ اس زخمی حالت میں راجہ رام نے اپنی بیوی کو ویڈیو کال کیا اور کہا کہ دیکھو میرا کیا حال ہو رہا ہے۔ اس ویڈیو کال کے دوران ہی اس نے دَم توڑ دیا۔ اسی حالت میں اسے بیگوسرائے واقع اسپتال لے جایا گیا لیکن اسے مردہ قرار دے دیا گیا۔ عینی شاہدین کا کہنا ہے کہ ائیر فون کی وجہ سے راجہ رام نے ٹرک کی آواز نہیں سنی اور حادثہ سرزد ہو گیا۔
جنرل ڈبے کی بھیڑ نے لی 18 سالہ لڑکی کی جان
دہلی میں سمپرک کرانتی ٹرین کے جنرل ڈبے میں سوار ہوئی ایک 18 سالہ لڑکی کی موت ہو گئی۔ موت کی وجہ جنرل ڈبے میں موجود بھیڑ تھی۔ دراصل اس وقت سبھی ٹرینوں میں خوب بھیڑ ہے اور جنرل ڈبے کی حالت تو بہت بری ہوتی ہے جہاں پیر رکھنے کی بھی جگہ نہیں ہوتی۔ 18 سالہ سیتا اپنی فیملی کے ساتھ جنرل بوگی میں چڑھی تھی اور اس کی طبیعت خراب ہونے لگی۔ اس نے اپنے والد سے کہا کہ وہ نیچے اتریں، لیکن بھیڑ اس قدر زیادہ تھی کہ وہ ٹرین سے اترنے میں کامیاب نہیں ہو سکے۔ اسی درمیان سیتا ایک بار بیہوش بھی ہوئی۔ کچھ دیر کے بعد اچانک طبیعت زیادہ خراب ہونے لگی اور دوبارہ وہ بیہوش ہوئی تو کسی طرح اسے جھانسی ریلوے اسٹیشن پر اتارا گیا اور ایمبولنس سے اسپتال لے جایا گیا۔ لیکن اسپتال پہنچنے کے بعد ڈاکٹروں نے اسے مردہ قرار دے دیا۔
اتر پردیش: ہردوئی اور لکھنو سمیت کئی علاقوں میں آندھی کے ساتھ ہو سکتی ہے بارش، الرٹ جاری
ہنوستان کے تقریباً نصف حصے میں اس وقت شدت گرمی دیکھنے کو مل رہی ہے۔ راجدھانی دہلی میں بھی گرم ہوائیں چل رہی ہیں اور ریڈ وارننگ جاری کیا جا چکا ہے۔ ساتھ ہی لوگوں سے کہا گیا ہے کہ وہ صرف ضروری کام سے ہی اپنے گھروں سے نکلیں۔ اس درمیان اتر پردیش کے ہردوئی، سیتا پور، لکھنو اور بارہ بنکی سمیت کئی علاقوں میں آئندہ کچھ گھنٹوں میں آندھی-طوفان کے ساتھ بارش ہونے کا امکان ظاہر کیا گیا ہے جس سے یو پی میں موسم کچھ ٹنڈا ہو سکتا ہے۔ محکمہ موسمیات نے اس تعلق سے یو پی کے متعلقہ علاقوں میں ریڈ الرٹ جاری کر دیا ہے۔
IMD Lucknow: Thunderstorm/ lightening/ rain accompanied with hail and gusty wind very likely to occur today during next three hours at few places over Hardoi, Sitapur, Lucknow, Barabanki districts & adjoining areas.
— ANI UP (@ANINewsUP) June 2, 2019
– Source بشکریہ قومی آواز بیورو—