کرکٹ: دوسرے ونڈے میں نیوزی لینڈ کی حالت خستہ، محض 70 رن کے اندر گر گئے 6 وکٹ
ہندوستان اور نیوزی لینڈ کے خلاف ہو رہے دوسرے ونڈے میں 40 اوور کا میچ ختم ہو گیا ہے اور اچھی شروعات کے بعد نیوزی لینڈ کی ٹیم لڑکھڑا گئی ہے۔ آخری 70 رن میں 6 وکٹ آؤٹ ہو گئے ہیں۔ مجموعی طور پر 40 اوور میں 195 رن پر 7 وکٹ گر چکے ہیں اور ہندوستانی ٹیم کافی مضبوط نظر آ رہی ہے۔
After 40 overs, New Zealand are 195/7. How much will they go on to score from here?#NZvIND pic.twitter.com/9RMK6z982p
— BCCI (@BCCI) February 8, 2020
ممبئی باغ: شہریت قانون کے خلاف مظاہرہ کر رہی 300 خواتین کے خلاف کیس درج
دہلی کے شاہین باغ کے طرز پر مہاراشٹر کے ’ممبئی باغ‘ میں جاری غیر معینہ مدت کے دھرنا پر پولس کارروائی شروع ہو گئی ہے۔ پہلے تو دھرنا میں بیٹھی خواتین کو سمجھانے اور پھر دھمکانے جیسی خبریں سامنے آئیں اور اب پتہ چلا ہے کہ 300 خواتین کے خلاف کیس درج کر لیا گیا ہے۔ تازہ ترین خبروں کے مطابق پولس نے کچھ خواتین سے پوچھ تاچھ اور انھیں نوٹس دینے کا عمل بھی شروع کر دیا ہے۔
After days of harassing the women fighting to uphold our constitution at #MumbaiBagh @MumbaiPolice goes ahead and registers a case against 300. The country's most cosmopolitan city &, this is how it treats its women and their political agency. https://t.co/PTosYp8oLe
— Mumbai Against CAA (@MumbAgainstCAB) February 7, 2020
کرکٹ: دوسرے ونڈے میں نیوزی لینڈ کی اچھی شرعات، 22 اوور میں ایک وکٹ پر 123 رن
نیوزی لینڈ کے خلاف دوسرے ونڈے میں ہندوستانی کپتان ورات کوہلی نے ٹاس جیت کر پہلے گیندبازی کا فیصلہ کیا۔ نیوزی لینڈ کے بلے باز نے شروعاتی چار اووروں میں دھیمی بلے بازی کی لیکن اس کے بعد تیز کھیلنا شروع کیا اور 22 اوور میں محض ایک وکٹ کے نقصان پر 123 رن بنا لیے ہیں۔ نکولس 59 گیند پر 41 رن بنا کر چہل کا نشانہ بنے۔ مارٹن گپٹل نصف سنچری بنا کر کھیل رہے ہیں۔
India vs New Zealand 2nd ODI: India win the toss, opt to bowl first against New Zealand at Eden Park in Auckland. New Zealand is currently leading the 3-match series 1-0. #NZvsIND pic.twitter.com/3u9dwGZQ5S
— ANI (@ANI) February 8, 2020
چین: کورونا وائرس سے اب تک 722 لوگوں کی موت
بیجنگ: چین میں کورونا وائرس سے مرنے والوں کی تعداد بڑھ کر 722 ہو گئی ہے، جبکہ 34،546 افراد کے اس انفیکشن میں مبتلا ہونے کی تصدیق ہوئی ہے۔ چین کے قومی صحت کمیشن نے ہفتے کو ایک بیان جاری کرکے یہ اطلاع دی ہے۔ چین کے قومی صحت کمیشن کے مطابق سات فروری کی نیم شب تک اسے 31 صوبوں سے اطلاع ملی،جس کے مطابق کورونا وائرس کے 34،546 معاملوں کی تصدیق کی جا چکی ہے جس میں سے 6101 لوگوں کی حالت نازک بنی ہوئی ہے۔ 722 لوگوں کی موت ہوچکی ہے اور 2050 لوگوں کو اسپتال سے چھٹی دے دی گئی ہے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو