اہم خبر: بس-ٹرک ٹکر کے بعد لگی زبردست آگ، 20 مسافر ہلاک، راہل گاندھی کا اظہار افسوس

اتر پردیش: بس-ٹرک کی ٹکر کے بعد لگی زبردست آگ، 20 مسافر ہلاک، متعدد زخمی، راہل کا اظہار افسوس

اتر پردیش کے قنوج ضلع میں جی ٹی روڈ پر ایک اندوہناک حادثہ پیش آیا جس میں تقریباً دو درجن لوگوں کی ہلاکت کی اطلاع موصول ہو رہی ہے۔ خبروں کے مطابق جمعہ کی رات جی ٹی روڈ پر ایک ٹرک اور بس کے درمیان زبردست ٹکر ہو گئی جس کی وجہ سے بس میں آگ لگ گئی۔ بس میں کم و بیش 50 مسافر سوار تھے۔ امکان ظاہر کیا جا رہا ہے کہ اس حادثہ میں 20 مسافر ہلاک ہو گئے ہیں جبکہ 21 زخمی مسافروں کا علاج قریبی اسپتال میں چل رہا ہے۔

اس حادثہ کی خبر کے بعد کانگریس رکن پارلیمنٹ راہل گاندھی نے ٹوئٹر پر افسوس کا اظہار کیا ہے۔ انھوں نے مہلوکین افراد کے اہل خانہ کے تئیں ہمدردی کا اظہار کیا ہے اور ساتھ ہی ساتھ زخمیوں کی جلد صحت یابی کے لیے دعا بھی کی ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-