شہریت ترمیمی قانون کو لے کر راجیہ سبھا میں غلام نبی آزاد اور آنند شرما نے پیش کیا تحریک التوا
شہریت ترمیمی قانون، این پی آر اور این آر سی پر بحث کے لئے راجیہ سبھا میں حزب اختلاف کے رہنما غلام نبی آزاد اور کانگریس ایم پی آنند شرما نے قواعد 267 کے تحت تحریک التوا پیش کیا ہے، اپوزیشن کا کہنا ہے کہ شہریت ترمیمی قانون پر پارلیمنٹ میں تفصیلی بحث نہیں ہوئی ہے، سی پی ايم اور سی پی آئی نے بھی راجیہ سبھا میں اسے لے کر تحریک التوا کا نوٹس دیا۔
Congress leaders Ghulam Nabi Azad and Anand Sharma have given the suspension of business notice under rule 267 in Rajya Sabha over "prevailing situation in the country due to proposed NPR-NRC following the Citizenship Amendment Act". (file pics) pic.twitter.com/XR5loQnV8F
— ANI (@ANI) February 3, 2020
چین میں کورونا وائرس سے مرنے والوں کی تعداد 361 پہنچی
بیجنگ: چین میں کورونا وائرس سے گزشتہ 24 گھنٹوں کے دوران 57 افراد کی موت ہوگئی اور اس کے ساتھ ہی یہاں اس وائرس سے مرنے والوں کی تعداد 361 ہو گئی ہے۔ چین کے نیشنل ہیلتھ کمیشن نے یہ معلومات دی ہے۔ کمیشن کی طرف سے جاری کیے گئے نئے اعداد و شمار کے مطابق 2103 مزید لوگوں میں کورونا وائرس پایا گیا ہے۔ اس کے ساتھ ہی چین میں کورونا وائرس میں مبتلا مریضوں کی تعداد 17205 ہو گئی ہے، جبکہ 21558 مشتبہ مریضوں کی طبی جانچ کی جا رہی ہے۔ واضح رہے کہ کورونا وائرس کا پہلا معاملہ گزشتہ سال دسمبر کے آخر میں چین کے صوبہ ووہان میں سامنے آیا تھا۔ اس وقت سے یہ وائرس 20 سے زائد ممالک میں پھیل چکا ہے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو