15 جنوری 2020 کو پورا ہندوستان ’آرمی ڈے‘ منا رہا ہے اور اس موقع پر پی ایم نریندر مودی، صدر جمہوریہ رام ناتھ کووند، کانگریس رکن پارلیمنٹ راہل گاندھی اور راجستھان کے وزیر اعلیٰ اشوک گہلوت سمیت کئی سیاسی ہستیوں نے فوجیوں کو مبارکباد دی۔ 72ویں آرمی ڈے کے موقع پر پی ایم نریندر مودی نے ٹوئٹ کرتے ہوئے لکھا کہ ’’ہندوستان کی فوج ماں بھارتی کی آن بان اور شان ہے۔ آرمی ڈے کے موقع پر میں ملک کے تمام فوجیوں کی بے مثال جرات، حوصلہ اور اولالعزمی کو سلام کرتا ہوں‘‘۔
भारत की सेना मां भारती की आन-बान और शान है। सेना दिवस के अवसर पर मैं देश के सभी सैनिकों के अदम्य साहस, शौर्य और पराक्रम को सलाम करता हूं।
— Narendra Modi (@narendramodi) January 15, 2020
صدر جمہوریہ رام ناتھ کووند نے ٹوئٹ کے ذریعہ پیش اپنے پیغام فوجیوں سے مخاطب ہوتے ہوئے کہا کہ ’’ آرمی ڈے کے موقع پر ہندوستانی فوج کے تمام فوجی بھائی بہنوں، بہادروں اور ان کے خاندانوں کو مبارکباد ۔ آپ ہمارے ملک کے فخر اور ہماری آزادی کے محافظ ہیں ۔ آپ نے ہماری خودمختاری کی حفاظت کی ہے، ملک کے افتخار میں اضافہ کیا ہے اور لوگوں کی حفاظت کی ہے۔ جے ہند!‘‘
सेना दिवस के अवसर पर भारतीय सेना के सभी फौजी भाई-बहनों, युद्धवीरों और उनके परिवारों को बधाई।
आप हमारे राष्ट्र के गौरव हैं और हमारी आजादी के रखवाले। आपकी सर्वोच्च त्याग भावना ने हमारी संप्रभुता की रक्षा की है, देश का गौरव बढ़ाया है और लोगों की सुरक्षा की है।
जय हिन्द!
— President of India (@rashtrapatibhvn) January 15, 2020
کانگریس رکن پارلیمنٹ راہل گاندھی نے بھی آرمی ڈے پر ٹوئٹ کے ذریعہ بہادر جوانوں کو مبارکباد پیش کی۔ انھوں نے اپنے ٹوئٹ میں لکھا کہ ’’ملک کی سرحدوں کی حفاظت میں اپنا سب کچھ قربان کرنے والے ہندوستانی فوج کے سبھی بہادر جوانوں، سابق فوجیوں اور ان کے اہل خانہ کو یوم بری فوج کو بہت بہت مبارکباد۔ جے ہند!‘‘
देश की सीमाओं की रक्षा में अपना सर्वस्व न्योछावर करने वाले भारतीय सेना के सभी बहादुर जवानों, पूर्व सैनिकों और उनके परिवारों को थल सेना दिवस की बहुत-बहुत शुभकामनाएं।
जय हिन्द!#ArmyDay2020
— Rahul Gandhi (@RahulGandhi) January 15, 2020
راجستھان کے وزیر اعلیٰ اشوک گہلوت نے سوشل نیٹورکنگ سائٹ ٹوئٹر پر آرمی ڈے سے متعلق اپنے پیغام میں لکھا ہے کہ ’’ہمارے فوجیوں اور فوج کے جوانوں کی بہادری اور ہمت کو سلام۔ ہم ان کی بے لوث خدمت اور ملک کے لئے ان کی قربانی کے قرضدار ہیں۔‘‘
On #ArmyDay, salute the indomitable courage and fortitude of all our soldiers & army personnel. We remain indebted for their selfless service and sacrifices to the nation.
— Ashok Gehlot (@ashokgehlot51) January 15, 2020
قابل ذکر ہے کہ آرمی ڈے کے موقع پر آرمی کمان ہیڈ کوارٹر کے ساتھ ساتھ ملک کے دیگر حصوں میں فوجی پریڈ اور طاقت کا مظاہرہ کے ساتھ دیگر پروگراموں کا بھی انعقاد کیا گیا۔ میڈیا ذرائع کا کہنا ہے کہ اس موقع پر پہلی بار ایک خاتون افسر کیپٹن تانیہ شیر گل مردوں کی تمام ٹکڑیوں کی قیادت کریں گی۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – بشکریہ قومی آواز بیورو