ممبئی،(پی ایس آئی)
بالی ووڈ کے سدا بہار اداکار انیل کپور اور ان کی بیٹی سونم کپور کی فلم ’’ایک لڑکی کو دیکھا تو ایسا لگا‘‘ کا ٹریلرریلیز ہوگیا ہے۔انیل کپور اورسونم کپور پہلی بار ایک ساتھ فلم ’ایک لڑکی کو دیکھاتوایسالگا‘ میں نظرآئیں گے دونوں اداکار حقیقی زندگی کی طرح فلم میں بھی باپ اور بیٹی کا کردارادا کررہے ہیں۔
Accept love for what it is. #EkLadkiKoDekhaTohAisaLaga is the most unexpected romance of the year. Must watch for all the fathers out there https://t.co/PR4ICwYLLT. #LetLoveBe @sonamakapoor @iam_juhi @RajkummarRao @VVCFilms @foxstarhindi@RochakTweets @ShellyCDhar
— Anil Kapoor (@AnilKapoor) December 27, 2018
ٹریلر کی ابتدا میں انیل کپورایک فکر مند والد کے طور پر نظر آرہے ہیں جسے اپنی بیٹی کی شادی کی فکر لگی ہوئی ہے تاہم ان کی بیٹی سونم کپور کے اپنے مستقبل کے حوالے سے ارادے کچھ اور ہی ہیں ٹریلر کے مطابق سونم کپور کسی راز کو چھاپارہی ہیں۔فلم میں بالی ووڈ کے باصلاحیت اداکارراج کمار راؤ بھی نظر آئیں گے جو سونم کو پسند کرنے لگتے ہیں تاہم سونم انہیں اپنا سچ بتادیتی ہیں، اور جب یہ سچ سونم کے گھر والوں کے سامنے آتا ہے تو ان کے اور انیل کپور کے درمیان سخت جملوں کا تبادلہ ہوتاہے، دراصل فلم بولڈ موضوع پر مبنی ہے جس میں سونم کپور ہم جنس پرست لڑکی کا کردارادا کررہی ہیں۔ فلم اپنے موضوع کے اعتبار سے بہت منفرد ہے یہی وجہ ہے ٹریلر کو یوٹیوب پر اب تک لاکھوں بار دیکھا جاچکاہے۔
سونم اور راج کمار راؤ نئی فلم میں ہم جنس پرست کے کردار میں نظر آئیں گے
بالی ووڈ کے معروف اداکار راجکمار راؤ اور سونم کپور نئی آنے والی فلم ’ایک لڑکی کو دیکھا تو ایسا لگا‘ میں ہم جنس پرست کا کردار ادا کریں گے۔ میڈیا رپورٹس کے مطابق فلم ’اومرتا ،نیوٹن اور استری جیسی چھوٹے بجٹ سے بننے والی سپر ہٹ فلمیں کرنے والے بالی ووڈ کے نوجوان اداکار راجکمار راؤ اپنی نئی آنے والی فلم ’ایک لڑکی کو دیکھا تو ایسا لگا‘ میں ہم جنس پرست کے کردار میں نظر آئیں گے جوکہ اْن کے دیگر کرداروں کے برعکس بالکل منفرد ہے۔
ذرائع کے مطابق فلم کی کہانی بھی ہم جنس پرستی پر مبنی ہے، فلم کی خاص بات یہ ہے کہ فلم میں ہم جنس پرست لڑکی کا کردار سونم کپور ادا کر رہی ہیں جب کہ اْن کے والد کا کردار اْن کے حقیقی والد انیل کپور خود ادا کریں گے۔فلم ’ایک لڑکی کو دیکھا تو ایسا لگا‘ کے حوالے سے انیل کپور نے اپنی ٹوئٹ میں فلم کا نیا پوسٹر جاری کرتے ہوئے کہا کہ اس فلم کو دماغ سے نہیں دل سے دیکھنا کیوں کہ یہ دل کا معاملہ ہے۔راج کمار راؤ نے بھی کہا کہ ’مجھے ایسا نہیں لگتا کہ فلم کی کامیابیوں کا دارومدار بجٹ پر انحصار کرتا ہے، فلم کی کہانی ہی بجٹ کا فیصلہ کرتی ہے، میرے خیال میں ہمیں وہی فلمیں کرنی چاہئیے جن کی کہانی اچھی ہو اور فلم ’ایک لڑکی کو دیکھا تو ایسا لگا‘ بھی کرنے کا مقصد بھی فلم کی بہترین کہانی ہے۔واضح رہے کہ اگلے سال یکم فروری کو ریلیز ہونے والی فلم کا پہلا ٹیزر چند ماہ قبل ریلیز کردیا گیا تھا تاہم اب فلم کا آفیشل ٹریلر کل ریلیز ہونے جارہا ہے۔
فلم میں سونم کپور، انیل کپور اورراج کمار راؤ کے علاوہ اداکارہ جوہی چاؤلہ بھی اہم کردار میں نظر آئیں گی۔ فلم کا ٹائٹل انیل کپور کی 90 کی دہائی میں ریلیز ہوئی فلم ’1942 لواسٹوری‘ کے سپر ہٹ گانے’’ایک لڑکی کو دیکھا تو ایسا لگا‘‘ سے لیاگیا ہے۔ فلم یکم فروری 2019 میں نمائش کے لیے پیش کی جائے گی۔