بجٹ میں اعلان کردو اسکیموں سے متعلق اجیت پوار خواتین سے براہ راست بات کریں گے: سنیل تٹکرے
پارٹی کے قومی ترجمان کے طور پر وزیر زراعت دھنن جے منڈے اور ریاستی ترجمان کے طور پر ایم ایل اے راجیس وٹیکر کی تقرری
ممبئی: نیشنلسٹ کانگریس پارٹی کے قومی صدر اور نائب وزیر اعلیٰ اجیت پوار پیر 22 جولائی کو اہلیہ نگر کا دورہ کرنے والے ہیں۔ نیشنلسٹ کانگریس نے اس دورے کے دوران خواتین سے براہ راست بات چیت کرنے کی پہل کی ہے۔ اس کے تحت بجٹ میں اعلان کردہ اسکیموں سے متعلق اجیت پوار براہ راست خواتین سے بات کریں گے۔ یہ اطلاع این سی پی کے ریاستی صدر رکن پارلیمنٹ سنیل تٹکرے نے ایک پریس کانفرنس میں دی ہے۔
پارٹی کے قومی صدر و نائب وزیر اعلیٰ اجیت پوار 22 جولائی کی صبح پارنیر میں، دوپہر کو اہلیہ نگر میں و شری گونڈہ میں اور شام کو کرجت جام کھیڈ میں ا خواتین سے بات کریں گے اور ان کے مسائل کو سنیں گے۔ سنیل تٹکرے نے کہا ہے کہ وہ خواتین کے لیے لاڈلی بہن اسکیم، تین مفت سلنڈر اور مفت تعلیم کے بارے میں بھی معلومات دیں گے اور خواتین کے مسائل کو حکومت کے ذریعے حل کرنے کی کوشش کریں گے۔
این سی پی کے ریاستی صدر سنیل تٹکرے نے کہا کہ اپنے 64 سال کے سیاسی اور سماجی سفر میں مہاراشٹر نے شیو، شاہو، پھلے اور امبیڈکر کے خیالات سے متاثر ہو کر مختلف بجٹ دیکھے اور ان کا تجربہ کیا۔ زراعت کو فوقیت دینے والی اس ریاست میں زراعت کے فروغ کے لیے مسلسل کوششیں کی گئی ہیں۔ تٹکرے نے کہا کہ اس بجٹ کے ذریعے خواتین کے لیے اجیت پوار کی لائی گئی اسکیم کا مہاراشٹر کی خواتین نے زبردست خیر مقدم کیا ہے۔ ، سنیل تاٹکرے نے واضح طور پر کہا۔
اس پریس کانفرنس میں قومی صدر اجیت پوار اور قومی ورکنگ صدر پرفل پٹیل کی رضامندی سے ریاستی صدر ایم پی سنیل تٹکرے نے وزیر زراعت دھننجے منڈے کو قومی چیف ترجمان اور ایم ایل اے راجیش وٹیکر کو ریاستی ترجمان مقرر کیے جانے کا اعلان کیا۔ اس پریس کانفرنس میں وزیر زراعت دھننجے منڈے، نیشنلسٹ کانگریس کے خزانچی ایم ایل اے شیواجی راؤ گرجے، ریاستی ترجمان آنند پرانجپے، ریاستی ترجمان سنجے تٹکرے، یوتھ ریاستی صدر سورج چوہان اور ایم ایل اے راجیش وٹیکر موجود تھے۔
