16 ستمبر کو تلک بھون میں کانگریس کا روزگار میلہ
40 سے زائد معروف کمپنیاں شریک ہوں گی، بے روزگار نوجوانوں کے لیے سنہری موقع
ممبئی: ریاست میں بے روزگاروں کی تعداد تیزی سے بڑھتی جا رہی ہے اور تعلیم یافتہ ہونے کے باوجود نوجوانوں کو ملازمت نہیں مل رہی۔ حکومت بھرتیاں نہیں کر رہی جس کی وجہ سے لاکھوں اہل لڑکے اور لڑکیاں روزگار سے محروم ہیں۔ نوجوانوں کے ہاتھ کو روزگار دلانے کے مقصد سے کانگریس پارٹی نے پہل کرتے ہوئے منگل 16 ستمبر کو کانگریس کے ہیڈکوارٹر تلک بھون میں ایک شاندار روزگار میلے کا اہتمام کیا ہے۔
مہاراشٹر پردیش کانگریس کمیٹی کے روزگار و خود روزگار شعبے کی جانب سے منعقد اس روزگار میلے میں آئی ٹی، بینکنگ، ریٹیل، ہیلتھ کیئر، مینوفیکچرنگ اور سروسز جیسے مختلف شعبوں سے وابستہ 40 سے زیادہ معروف کمپنیاں شریک ہوں گی۔ اس میلے کے ذریعے نوجوانوں کو سیکڑوں ملازمتوں کے مواقع حاصل ہوں گے۔ خاص طور پر ممبئی، تھانے، پالگھر اور رائےگڑھ اضلاع کے آٹھویں جماعت پاس سے لے کر اعلیٰ تعلیم یافتہ غریب اور متوسط طبقے کے نوجوانوں کے لیے یہ ایک اہم موقع ہے۔
بے روزگار نوجوانوں سے اپیل کی گئی ہے کہ وہ درج ذیل لنک پر کلک کر کے اپنی رجسٹریشن مکمل کریں اور اس میلے میں شرکت کریں: [https://forms.gle/1Y7mScKgSAc9tY1E8)”>https://forms.gle/1Y7mScKgSAc9tY1E8](https://forms.gle/1Y7mScKgSAc9tY1E8) ۔ یہ اپیل مہاراشٹر پردیش کانگریس کمیٹی کی جانب سے کی گئی ہے۔