حیدرآباد: مجلس کے رکن اسمبلی اکبر الدین اویسی نے پرانے شہر میں جلسہ سے خطاب کرتے ہوئے سنسنی خیز تبصرہ کیا۔ اکبرالدین کے تبصرے الیکشن کے دوران گرما گرم موضوع بحث بن گئے ہیں۔انہوں نے کہا کہ اویسی برادران کو جان سے مارنے کی کوشش کی جا رہی ہے۔
سیاسی مبصرین کا کہنا ہے کہ اس طرح کا بیان دیتے ہوئے اکبراویسی ہمدردی حاصل کرنے کی کوشش کر رہے ہیں‘ لیکن ان کا بیان تنازعہ کی شکل اختیار کر لیاہے۔اکبر الدین اویسی نے میڈیا سے کہا کہ کچھ لوگ ہم بھائیوں کو جیل بھیجنے کی کوشش کر رہے ہیں۔ انہوں نے کہا کہ جیل میں دوا کے نام پر سلو پوائزن دیا جاسکتا ہے اور ایسا لگتا ہے ہم کو مار ڈالیں گے۔
اکبر الدین اویسی نے کہا کہ وہ حیدرآباد میں بہت مضبوط ہیں۔ اس لیے وہ ہمیں شکست دینے کی کوشش کر رہے ہیں۔ اکبر الدین اویسی نے واضح کیا کہ چاہے کوئی کتنی ہی کوشش کرے، مجلس کی ہی کامیابی ہوگی۔
"The present situation is not good, we don’t know, if Akbarudin Owaisi will be poisoned in jail or #AkbaruddinOwaisi and #AsaduddinOwaisi will be put in jail and will be shot dead while being taken to hospital"
: #AIMIM MLA Akbaruddin Owaisi, in Eid Milan program in #Hyderabad. pic.twitter.com/S02qOQJhx1
— Surya Reddy (@jsuryareddy) April 16, 2024
عوام کا کہنا ہے کہ اگر ا ن کا ایمان اتنا مضبوط ہے وہ کیوں ڈر رہے ہیں۔ اکبرالدین اویسی نے الیکشن سے قبل اس طرح کا بیان دیتے ہوئے سنسنی پھیلا دی ہے۔