نئی دہلی: سپریم کورٹ نے آئی این ایکس میڈیا منی لانڈرنگ معاملے میں سابق مرکزی وزیر پی چدمبرم کی ضمانت عرضی پر انفورسمنٹ ڈائریکٹوریٹ کو نوٹس جاری کیا ہے۔ جسٹس آر بھانومتی کی صدارت والی بینچ نے پی چدمبرم کی جانب سے پیش سینئر وکیل کپِل سبل اور ابھیشیک منو سنگھوی کی دلیلیں سننے کے بعد ای ڈی کو نوٹس جاری کرکے جواب طلب کیا ہے۔ عدالت نے معاملےکی سماعت کےلئے 26نومبر کی تاریخ طے کی ہے اور ای ڈی کو اس سے پہلے تک جواب سونپنے کو کہاہے۔
Supreme Court issues notice to Enforcement Directorate (ED) on the appeal of Congress leader P Chidambaram’s plea challenging the Delhi High Court order refusing bail to him in INX Media money laundering case. Next date of hearing is November 26. (File pic) pic.twitter.com/Lp1jl9hb1f
— ANI (@ANI) November 20, 2019
سماعت کے دوران وکیل کپل سبل اور ابھشیک منو سنگھوی نے دلیل دی کہ پی چدمبرم پچھلے 91دنوں سے حراست میں ہیں۔لیکن انہیں ضمانت پر رہا نہیں کیاجارہا ہے۔ اس کے بعد عدالت نے ای ڈی کو نوٹس جاری کیا اور معاملے کی سماعت 26نومبر تک کےلئے ملتوی کردی۔اس سے پہلے ای ڈی کو جواب سونپنا ہوگا۔
واضح رہے کہ پی چدمبرم نے دہلی ہائی کورٹ کے 15نومبر کے اس فیصلے کے خلاف چیلنج کیاہے جس میں اس نے سابق مرکزی وزیر کی ضمانت عرضی مسترد کردی تھی۔ اس سے پہلے پی چدمبرم نے کہا ہے کہ دہلی ہائی کورٹ کا ضمانت عرضی مسترد کرنے کا فیصلہ غلط ہے۔ہائی کورٹ نے گزشتہ 15نومبر کو کانگریس لیڈر پی چدمبرم کو آئی این ایکس میڈیا معاملے میں بڑ جھٹکا دیا تھا۔جب اس نے ای ڈی سے جڑے معاملے میں انہیں ضمانت دینےسے انکار کردیاتھا۔
واضح رہے کہ وکیل کپل سبل نے سابق چیف جسٹس رنجن گگوئی کی صدارت والی بنچ کے سامنے معاملے کا خصوصی ذکر کیاتھا،جس نے کہا تھا کہ وہ اس اپیل پر منگل یا بدھ کو سماعت کرےگی۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-