ناندیڑ:16ڈسمبر( ورق تازہ نیوز) پربھنی شہر میں گزشتہ دنوں رونما ناخوشگوارحالات کے بعد پولس نے چند دلت افراد کو حراست میں لیاتھا جس میں سوریہ ونشی وینکٹی ساکن شنکر نگر پر بھنی بھی شامل تھا ۔ لیکن گزشتہ روز اسکی پولس کسٹڈی کے دوران موت ہوگئی تھی۔ ان حالات کے بعد شہر میںدوبارہ کشیدگی کاماحول پیداہوگیا ۔اس موت کا پوسٹ مارٹم اورنگ آباد میں آن کیمرہ کرنے کافیصلہ کیاگیااورآج دوپہر اسکی ابتدائی رپورٹ موصول ہوئی
جس میں کہاگیا کہ اسکے جسم پر متعدد زخم پائے گئے ہیں جس کی وجہ سے ہی اس کی موت ہوئی ہے۔ اس کے بعد امبیڈکر ی سماج میں غصہ پایاجاتا ہے۔دریں اثنا، سومناتھ سوریاونشی کی نعش سمبھاجی نگر سے پولیس کی بھاری موجودگی میں صبح تقریباً 11:30 بجے روانہ کی گئی۔ پولیس نے گاڑیوں کو یہ کہتے ہوئے روکا کہ لاتور میں امباد چوفولی کے قریب آخری رسومات کی اجازت ہے۔
تاہم رشتہ داروں نے اصرار کیا کہ آخری رسومات پربھنی میں کی جائیں گی۔ چنانچہ لاش کو پربھنی روانہ کر دیا گیا۔ پربھنی میں ہزاروں امبیڈکری پیروکار، تحریک کے قائدین آخری رسومات کے لیے موجود ہیں۔سومناتھ سوریاونشی، جو 11 دسمبر کو بند کے دوران توڑ پھوڑ اور نقصان کے معاملے میں عدالتی حراست میں تھے، کو پربھنی شہر میں آئین کی توہین کے واقعہ کے بعد جیل بھیج دیا گیا تھا۔
اتوار کی صبح جب اسے ضلع اسپتال لایا گیا تو اسے مردہ قرار دے دیا گیا۔ یہ اطلاع سامنے آتے ہی سیکورٹی بڑھا دی گئی کیونکہ اتوار سے شہر میں پھر سے کشیدگی پیدا ہوگئی۔