دوسرے ون ڈے میں نیوزی لینڈ کے خلاف پاکستان (NZ vs PAK, 2nd ODI) کو 84 رنز سے شکست کا سامنا کرنا پڑا، لیکن پاکستانی بولر نسیم شاہ (Naseem Shah) نے ایک خاص ریکارڈ اپنے نام کر لیا۔ اس بار نسیم شاہ نے بولنگ سے نہیں بلکہ بیٹنگ کرتے ہوئے ریکارڈ بنایا، جو یقیناً ایک منفرد بات ہے۔
بتا دیں کہ اس میچ میں 293 رنز کے ہدف کا تعاقب کرتے ہوئے پاکستان کی ٹیم 208 رنز ہی بنا سکی۔ پاکستان 84 رنز کے فرق سے پیچھے رہ گئی۔ لیکن پاکستان کی اننگز کے دوران نسیم نے نمبر 11 پر بیٹنگ کرتے ہوئے نصف سنچری بنائی اور 51 رنز بنا کر آؤٹ ہو گئے۔ ایسا کر کے نسیم شاہ ون ڈے کرکٹ کی تاریخ میں نمبر 11 پر سب سے بڑی اننگز کھیلنے والے دنیا کے دوسرے کھلاڑی بن گئے ہیں۔
ون ڈے کرکٹ میں نمبر 11 بیٹنگ پوزیشن پر سب سے بڑی اننگز کھیلنے کا ریکارڈ پاکستان کے محمد عامر کے نام ہے۔ محمد عامر نے 2016 میں انگلینڈ کے خلاف ون ڈے میچ میں نمبر 11 پر بیٹنگ کرتے ہوئے 58 رنز کی اننگز کھیلی تھی۔ سب سے دلچسپ بات یہ ہے کہ ون ڈے میں نمبر 11 پر سب سے بڑی اننگز کھیلنے والے ٹاپ تین بلے باز بھی پاکستان سے تعلق رکھتے ہیں۔
اس معاملے میں تیسرے نمبر پر شعیب اختر ہیں جنہوں نے 2003 میں انگلینڈ کے خلاف نمبر 11 پر بیٹنگ کرتے ہوئے 43 رنز بنائے تھے۔