نئی دہلی – مارچ چونکہ مالی سال کا آخری مہینہ ہوتا ہے، اس لیے عام طور پر اسی مہینے کے آخری اتوار کو بینک کھلے رکھے جاتے ہیں۔ تاہم، اس سال ایک غیر معمولی فیصلہ کرتے ہوئے وزیر اعظم نریندر مودی نے 3 اگست 2025، بروز اتوار، ملک بھر کے تمام بینکوں کو کھلا رکھنے کا حکم جاری کیا ہے۔ اس فیصلے کے مطابق، اتوار کے دن بھی بینکوں کے تمام ملازمین اپنی ڈیوٹی پر موجود رہیں گے۔
وزیر اعظم مودی کی جانب سے یہ حکم جاری کرنے کی بنیادی وجہ "پردھان منتری کسان سمان ندھی” اسکیم کے تحت کسانوں کو 20ویں قسط کی ادائیگی ہے۔ وزارت زراعت و کسان فلاح کے مطابق، 29 جولائی سے 3 اگست کے درمیان مستحق کسانوں کے کھاتوں میں براہ راست رقم جمع کی جا رہی ہے۔
اسی سلسلے میں 2 اگست کو وزیر اعظم نریندر مودی کے ہاتھوں اس قسط کی تقسیم عمل میں آئی، جس کے فوراً بعد یعنی اگلے دن (اتوار) بینک کھلے رکھ کر کسانوں تک رقم جلد از جلد پہنچانے کا انتظام کیا گیا ہے۔
یہ فیصلہ اس بات کو یقینی بنانے کے لیے لیا گیا ہے کہ اسکیم کا فائدہ تیزی سے اور بغیر کسی رکاوٹ کے کسانوں تک پہنچے۔