وشنوپوری ڈیم سے ربیع کی فصلوں کوپانی کی سپلائی
ناندیڑشمال کے ایم ایل اے کلیانکر کا ضلع کلکٹر سے مطالبہ
ناندیڑ:4 ڈسمبر( ور ق تازہ نیوز)ناندیڑشمال کے نو منتخب ایم ایل اے بالاجی کلیانکر نے ضلع کلکٹرناندیڑ سے مطالبہ کیا ہے کہ وہ ربیع فصل کیلئے وشنوپوری اور یلدری ڈیم سے پانی کی سپلائی کانظم کریں ۔
ربیع سیزن کےلئے کسانوں نے تخم ریزی کا کام مکمل کرلیا ہے اس لئے ربیع کی فصلوں کےلئے پانی کی ضرورت ہے ،موسم گرمامیں پانی کی قلت کے دوران ناندیڑضلع کے وشنوپوری ڈیم کے علاقہ میں کسانوں کی پانی کی موٹروں کوبجلی سپلائی مسدود کردی گئی تھی جو آج تک مسدود ہی ہے ۔بجلی کی فراہمی فوری شروع کی جائے ۔
گزشتہ مہینہ میںغیر موسمی طوفانی بارش سے خریف کی فصلیں برباد ہوگئی ہیں کسان پریشان ہیں ۔ ریاستی حکومت کی جانب سے تباہ فصلوںکاسروے جاری ہے ۔ اب ربیع کی فصلوں کوبچانے کےلئے قت پرپانی اوربجلی کی فراہمی ضروری ہ ۔ایم ایل اے کلیانکر اور شیوسینا ضلع پرمکھ دتا کوکاٹے نے اپنے میمورنڈم میںمطالبہ کیا کہ ضلع انتظامیہ 10ڈسمبر سے بجلی اورپانی کی بلا روک ٹوک فراہمی کے انتظامات کرکے کسانوں کودلاسہ دیں۔واضح ہو کہ چھ ماہ قبل وشنوپوری ڈیم سے کھیتوں کوپانی فراہم کرنے سے ڈیم کاپانی ختم ہوگیا تھا جس کے باعث ناندیڑ کے شہریان کو تقریبا دو ماہ تک پانی کی قلت سے پریشان ہونا پڑاتھا ۔اب پھر وہی حالات پیدا ہوسکتے ہیں اگر وشنوپوری ڈیم سے کھیتوں کوپانی فراہم ہوتا ہے۔
کنٹریکٹ ملازمین کے زیر التواءمسائل کو فوری طور پر حل کریں گے
ایٹک پرینت ایسوسی ایشن کو اسسٹنٹ کمشنرز کی یقین دہانی
ناندیڑ:4 ڈسمبر( ور ق تازہ نیوز) ناندیڑ واگھالہ میونسپل کارپوریشن ، کنٹریکٹ صفائی کارکنوں کی کم سے کم اجرت سمیت دیگر تمام زیر التواءمطالبات کو فوری طور پر حل کیا جائے گااس طرح کاتیقن محکمہ صحت حفظان صحت کے اسسٹنٹ کمشنر غلام صادق نے آئٹک کے زیرانصرام مراٹھواڑ ہ میونسپل کارپوریشن میونسپل لیبر ایمپلائز یونین (لال باوٹہ) کے وفد سے گفتگو کرتے ہوئے دیا۔
ناندیڑکارپوریشن کے کنٹراکٹ صفائی ملازمین کیلئے پچھلے کئی سالوں سے جدوجہد کررہی مراٹھواڑہ میونسپل کونسل‘میونسپل کارپوریشن کامگار ملازمین یونین (لال باوٹہ) نے کارکنوں کے زیر التوامطالبات پر احتجاج کی وارننگ دی تھی۔ انتظامیہ نے کہاتھاکہ اسسٹنٹ کمشنر کی موجودگی میں میٹنگ کرے گی اور بے روزگار مزدوروں کو فوری طور پردی جائے گی۔ یکم جنوری سے کنٹریکٹ صفائی کرنے والے کارکنوں کی اجرت میں اضافہ کیا جائے گا۔
اکاونٹ میں جمع ہوجائے گا۔ ورکرز کے ESI ، EPF ریکارڈوں کو اپ ڈیٹ کیا جائے گا؛ مزدوروں کو تنخواہ کی الاٹمنٹ کی ہدایت براہ راست ٹھیکیدار کو دی گئی تھی۔ اس موقع پریونین کے صدر کامریڈ پردیپ ناگاپورکر‘ کامریڈ کے کے جامبکر‘ کارپوریشن کے محکمہ صفائی کے اسسٹنٹ کمشنر غلام صادق ‘ سینئر صفائی انسپکٹرراجندر گندام کے علاوہ دیگر عہدیداران بھی موجود تھے۔
پی ایس آئی عہدہ کے انٹرویوکیلئے اہل امیدواروں کیلئے موک انٹرویوکاانعقاد
ناندیڑ:4 ڈسمبر( ور ق تازہ نیوز) مہاراشٹر پبلک سروس کمیشن کے ذریعہ پی ایس آئی کے عہدے کے لئے منعقدہ امتحان میں ناندیڑ ضلع کے اہل طلباءکے موک انٹرویو کاانعقاد 7 دسمبر ، 2019 بروز ہفتہ صبح 10 بجے سے شام 6 بجے تک ، ڈسٹرکٹ لائبریری آفیسر آفس ، ناندیڑکیاگیاہے۔
اجول ناندیڑا س نئی اسکیم کے تحت ضلع کلکٹر ارون ڈونگرے کے تصور موک انٹرویوکاپروگرام رکھاگیا ہے ۔جس کے ذریعہ مسابقتی امتحانات میں طلبا کو کامیابی حاصل کرنے کا سنہری موقع فراہم کیا گیا ہے۔ اس انٹرویو میں پینل رکن کی حیثیت سے منوہر بھوول ، ڈاکٹر ابھیجیت فسکے ڈپٹی سپرنٹنڈنٹ پولیس ، روہت کٹکر‘اسسٹنٹ ریجنل ٹرانسپورٹ آفیسر بالاجی چندیل (پی آئی)‘ چیف سیکریٹ نیوز آفیسر بھی شریک ہوں گے۔خواہش مند امیدوارمعہ بائیوڈاٹا اپنااندراج کروانے کیلئے شری گرو گوبند سنگھ جی اسٹیڈیم احاطے ، ڈسٹرکٹ لائبریری آفیسر سے ربط قائم کریں۔ اس طرح اپیل ضلع انتظامیہ کی جانب سے لائبریرین آشیش ڈھوک نے کی ہے ۔
وزیر اعظم لیبر یوگی اعزازیہ
غیر منظم کارکنوں کے لئے پنشن سکیم کا افتتاح
ناندیڑ:4 ڈسمبر( ور ق تازہ نیوز) پردھان منتری شرم یوگی مان دھن (اعزازیہ )یوجنا (پی ایم-ایس وائی ایم) اور نیشنل پنشن اسکیم (این پی ایس – تاجر) ہفتہ 30 نومبر سے 6 دسمبر 2019 تک اسسٹنٹ لیبر آفس کی جانب سے منعقد کیا گیا ہے۔ پروگرام کا افتتاح میئر شریمتی دکشادھبالے ‘، رہائشی ڈپٹی کلکٹر ڈاکٹر سچن خلاڑ ، اسسٹنٹ کمشنر جی ایس ٹی ڈاکٹر اویناش چوہان ، شماریات آفیسر این جی باسٹوار ، گاندھی امبیڈکر لیبر ایسوسی ایشن کے صدر ایڈووکیٹ وشنو گوڈوبولے معززین کی موجودگی میں دیپ روشن کرکے کیاگیا۔
اس موقع پر میئر محترمہ دھبالے نے کہا کہ غیر منظم کارکنوں کو معلومات فراہم کرکے معاشرے کے تمام طبقات تک پہنچنا چاہئے اور غیر منظم کارکنوں کو زیادہ سے زیادہ فائدہ دینا چاہئے۔ رہائشی ڈپٹی کلکٹر شری خلاڑ نے اسکیم کی اہمیت پر روشنی ڈالی اور ماضی کی مثالیں پیش کرکے کہا کہ اس کام میں ضلع کلکٹر دفتر مکمل مدد کرے گا۔
انہوں نے کہا کہ یہ منصوبہ معاشرے کے ہرطبقہ تک زیادہ سے زیادہ تک پہنچنا چاہئے۔اس پنشن سکیم میں 18 سے 40سال عمرکے افراد کو اندراج کی سہولت ہے۔ مزدوروں کو عمر کی بنیاد پر اقساط ادا کرنے کی ضرورت ہے۔ مرکزی حکومت اتنی رقم جمع کرے گی جتنی مزدور جمع کرے گا۔ عمر 18 سے 60 سال تک اقساط جمع کرنا لازمی ہے ۔ اس کے بعد فائدہ اٹھانے والے کو3000 روپے کی پنشن ملے گی۔ اس اسکیم کے تحت غیر منظم کارکنان جیسے رکشہ چلانے والے ، گھریلو ملازمین ، پھیری والے ، گھریلو مزدور ، اینٹ بھٹی پرکام کرنے والے ، چمڑے والے ، کچرے سے کاروبار کرنے والے ، گھریلو ملازمین ، دھوبی ، دیہی بے زمین مزدور ، کھیت مزدور ، ماہی گیر ، مچھلی کاشت کار ، مچھلی صاف کرنے والے کارکن ، تعمیراتی کارکن ، بیڑی ورکرز ، ہینڈ رومز ورکرز ، چمڑے کی صنعت کے کارکن اور دیگر کاروباری کارکن شامل ہیں۔
اسمارٹ گرل اوربوائے ٹریننگ سے پرنیتادیورے کاخطاب
ناندیڑ:4 ڈسمبر( ور ق تازہ نیوز)اسمارٹ گرل ٹریننگ لڑکیوں میں اعتماد پیداکرنے اور خو د کی حفاظت کرنے کیلئے دی جاتی ہے ۔اسی طرح لڑکون کواسمارٹ بوائے بنانے کےلئے ٹریننگ دی جارہی ہے ۔ ضلع پریشد ناندیڑ کی ممبر اور سوشل ورکر پرنیتاتائی دیورے چکھلی کر نے آج لوہا میں لڑکیوں اور لڑکوںکے ایک اجلاس سے خطاب کرتے ہوئے کہاکہ وہ لوہاتعلقہ کے دگڑسانگوی کے جنتا ہائی اسکول اورجونیئر کالج میں منعقدہ لڑکوں اور لڑکیوں کے جلسہ سے خطاب کررہی تھیں ۔ انھوںنے کہاکہ جماعت ہفتم تا دہم میں زیرتعلیم طالبات میں خوداعتمادی پیدا کرنے کےلئے مسلسل اسکولوںں میں اسمارٹ گرل کی ٹریننگ دی جارہی ہے۔ طلباءکوچاہئے کہ وہ اپنے ساتھ پڑھ رہی لڑکیوں کے ساتھ اچھا برتا کریں ان کی عزت اور احترام کریں۔