پسماندہ علاقوں میں سڑک کی تعمیر پر زوردجائے گا: اشوک راو چوہان
ناندیڑ:8،فروری۔(ورق تازہ نیوز)سڑکیں رابطے کا بنیادی ذریعہ ہیں۔ حکومت جلد ہی ریاست میں سڑک کی تعمیر اور مرمت کے کاموں کے لئے اضافی مالی اعانت فراہم کرنے کی تیاری کر رہی ہے۔ وزیر تعمیرات اشوک راو چوہان نے کہا ہے کہ سڑکوں کی تعمیر اور مرمت کے دوران پسماندہ اور دیہی علاقوں پر زیادہ توجہ دی جائے گی۔وہ ضلع ناندیڑ کے سگرولی میں ثقافتی پروموشن بورڈ کے ڈائمنڈ جوبلی فیسٹیول میں منعقدہ تقریب میں مہمان خصوصی کی حیثیت سے خطاب کررہے تھے۔
پروگرام کی صدارت ڈاکٹرگیان راج ‘ نے کی اور دھنراج مانک پربھو مہاراج ‘ونئے سہسربودھی ، امرناتھ راجورکر(ایم ایل سی) ، راوصاحب انت پورکر(ایم ایل اے) ، ضلع پریشد صدر منگارانی امبولگیکر ، سابق ایم ایل اے سبھاش سابنے مہمان خصوصی کے طور پرموجود تھے۔ اس موقع پر وزیر تعمیر عامہ اشوک چوان نے کہا کہ ریاست کے دیہی علاقوں میں سڑکیں کی حالت خستہ ہے ۔ حکومت جو بھی ہو ، سڑک سے ہی جانا پڑتا ہے اوراس کے لئے اچھی سڑکوں کی ضرورت ہوتی ہے۔ ریاست بھر میں سڑکوں کے حالات پر نظر رکھنے کے لئے کام جاری ہے۔ میرا زور اچھی اور معیاری سڑکیں بنانے پر ہوگا۔ ان علاقوں میں جہاں پہلے سے کم کام ہوا ہے ، ہم مزید سڑکیں بنانے پر توجہ دیں گے۔ثقافت پروموشن بورڈ کے کام کو سراہتے ہوئے کہاکہ آنجہانی باباصاحب دیشمکھ کا لگایا ہوا ایک چھوٹا سا پودا ایک بڑے درخت میں تبدیل ہوگیا ہے۔ اس درخت کے نیچے زندگی کے مختلف پہلوو¿ں کا مطالعہ کیا گیا ہے۔ ثقافت پروموشن بورڈ نے روزگار اور خود روزگار پیدا کرنے کے ایک بڑے مرکز کے طور پر کام کیا ہے۔حالیہ دنوں میں ، تعلیمی انسٹی ٹیوٹ کا قیام اور چلانا ایک کاروبار بن گیا ہے۔ ان کا واحد مقصد بڑی رقم کمانا ہے۔ لیکن شاردا بھون ، میری صدارت میں ، ایک تعلیمی ادارہ ہو ، یا کلچر پروموشن بورڈ کا اسکول یا کالج ہو۔کبھی بھی اسکا غلط استعمال نہیں کیاگیا ۔ اس موقع پرادارہ کے ذمہ داران ‘ اہلکار ، عملہ ، اساتذہ ، سابق طلبائ، والدین اور علاقے کے شہری بڑی تعداد میں موجود تھے۔
آسنا ندی اور گوداوری ندی طاس سے ریت کی چوری کرنیوالی گاڑی مالکان کے خلاف مقدمات درج
ناندیڑ:7،فروری۔(ورق تازہ نیوز)ضلع کلکٹرارون ڈونگرے کی رہنمائی میں سب ڈویژنل آفیسرناندیڑ لطیف پٹھان و تحصیلدار ناندیڑ ارون جرہاڑ نے 30جنوری 2020 کو صبح گیارہ بجے موضع کامٹھا خورد کے ندی طاس کے قریب اچانک دستہ نے چھاپہ مارکرغیر قانونی طور پر ریت کی نکاسی کرنے والی گاڑیوں نمبر MH 04- BV- 3176 گاڑی مالک سنتوش گنپت راو ۔ MH 26-B- 3330 گاڑی مالک کلیم ملّا ‘ MH 26-B- 4952 گاڑی مالک محمدنوید ۔ MH 25– 7962 گاڑی مالک عمران خان منظورعلی خان کی گاڑیوں کو پکڑ کران گاڑیوں کو تحصیل دفتر ناندیڑمین جمع کردی گئی ہیں۔مذکورہ کاروائی کے بعد تحصیلدار کی ہدایت پر منڈل آفیسرناندیڑ دیہی چندرکانت کنگاڑے نے ائیرپورٹ پولس اسٹیشن میں جرم نمبر 35/2020 کے تحت مقدمہ کااندراج کردیا ۔اس کے علاوہ موضع برہمنواڑہ کے ندی طاس کے قریب اچانک دستہ نے چھاپہ مارکر غیرقانونی طور پر ریت کی نکاسی کرنے والی گاڑی نمبر MH 20-AT- 4847 گاڑی مالک ویلاس بھارتی ‘ MH 26-B- 4847 گاڑی مالک ویلاس بھارتی پرکاروائی کے بعد مدکھیڑ پولس اسٹیشن میں مقدمہ درج کیاگیا ۔اس کے علاوہ موضع ہساپور میںواقع ندی طاس سے بھی ریت کی غیرقانونی نکاسی کے معاملے میں گاڑی مالکان عبدالقدیرشیخ ‘ سید انور سید افسر ‘ محمد اظہر الدین ودیگردو نامعلوم گاڑی مالکان کے خلاف بھی مقدمہ درج کیاگیا۔
ناندیڑکارپوریشن کے کچرا ٹھیکدار نے ساڑھے پانچ کروڑ کاغبن کیا
ناندیڑ:7،فروری۔(ورق تازہ نیوز)شہر کاکچرااٹھانے کے کام کے ٹھیکدارنے ملازمین کی تنخواہ کے ساڑھے پانچ کروڑ روپیوں کاغبن کیا ہے اس طرح کی شکایت ملازمین کامگار یونین نے کمشنر سے کی ہے ۔ 21فروری 2018 تا 31اکتوبر 2019 کے درمیان 20ماہ کے وقفہ میں یہ معاملہ رونما ہوا ۔اس غبن کی رقم وصول کرکے ملازمین کے اکاونٹ میں جمع کرکے متعلقین کے خلاف مقدمہ درج کرنے کامطالبہ یونین کے بانی صدر کامریڈگنیش شنگےے نے کی ۔
ممبئی کی آراینڈ بی کمپنی کو 21فروری 2018ءسے شہر کاکچرا اٹھانے اوراسے ٹھکانے لگانے کاٹھیکہ دیاتھا اس کام کےلئے 350 ملازمین کونامزدکرنے کی ذمہ داری ٹھیکدار پرعائد ہے اور کارپوریشن کے مطالبہ کے مطابق 400 ملازمین تک زائد مزدور فراہم کرنالازمی ہے ۔ گاڑی پر معمور ملازمین کی تنخواہ کی ذمہ داری ٹھیکدار پر ہے ۔ زائد مزدوروں کی ماہانہ تنخواہ کی رقم اور فی کس ملازم کو فی یوم 80 روپے( ہرماہ 2400 روپے) کی طرز پر کارپوریشن سروس ٹیکس ادا کرتی ہے ۔21فروری 2018تا 31 ڈسمبر 2018ءتک کاپوریشن نے 400 ملازمین کی تنخواہ کا بل ٹھیکدار کودیاتھالیکن ٹھیکدار نے ملازمین کو فی یوم 200 وپے تنخواہ ہی ادا کی ۔ا س طرح 314دنوں میں تنخواہ کے 3کروڑ21لاکھ روپیوں دیے گئے ۔کامگار یونین صدر شنگارے نے مطالبہ کیا کہ مزدوروںکے حق کی رقم ٹھیکدار سے وصول کرکے ملازمین کے بینک اکاونٹ میں جمع کی جائے اور متعلقہ ٹھیکدار کے خلاف مقدمہ درج کیاجائے ۔